Ադրբեջանի կառավարությունն օգտագործում է նավթի և գազի լծակները .Քիմ Քարդաշյանն անդրադարձել է Լաչինի միջանցքի շրջափակմանը
Հեռուստաաստղ Քիմ Քարդաշյանը Ինստագրամի իր էջում կիսվել է պրոդյուսեր Էրիկ Իսրայելյանի գրառմամբ, ով, հրապարակելով միջազգային իրավունքի առաջատար մասնագետ, Միջազգային քրեական դատարանի նախկին գլխավոր դատախազ Լուիս Մորենո Օքամփոյի «Փորձագիտական կարծիք. ցեղասպանություն հայերի դեմ 2023թ» զեկույցը, հորդորել է իր հետևորդներին կիսվել գրառմամբ։«Ադրբեջանի կառավարությունն օգտագործում է նավթի և գազի լծակները տարածաշրջանից քրիստոնյա հայ բնակչությանը մաքրելու համար»,-գրել է Իսրայելյանը։
Տարիների ընթացքում Քարդաշյանը բազմաթիվ առիթներով կիսվել է Հայոց Ցեղասպանության մասին տեղեկություններով՝ իր հետևորդներին տեղեկացնելու 1915 թվականին ավելի քան 1,5 միլիոն հայերի` թուրքերի կողմից ցեղասպանվելու մասին։
