Որտե^ղ է գտնվում սեռական ցանկության կենտրոնը
Սթենֆորդի համալսարանի գիտնականները պարզել են, որ սեռական ցանկությունը ապրում է ոչ թե սրտում, այլ գլխուղեղի բջիջների շատ յուրահատուկ հավաքածուում:Նրանք հայտնաբերել են բջջային սխեմա, որը կառավարում է արու մկների կիրքը և սովորել են միացնել և անջատել այն, հայտնագործություն, որը կարող է հանգեցնել բուժման նոր մեթոդների և խորացնել մեր ըմբռնումը այս սկզբնական ուժի մասին:
«Սա հիմնարար վարքագիծ է, որը կենտրոնական դեր է խաղում մեր անձնական բավարարվածության, ինչպես նաև մեր տեսակի վերարտադրության մեջ»,-ասում է Սթենֆորդի հոգեբուժության և նյարդաբանության պրոֆեսոր և հետազոտության ավագ հեղինակ Նիրաո Շահը Cell ամսագրում հրապարակված հոդվածում:
Շահը և նրա թիմը փոքրիկ նյարդային կապեր են հայտնաբերել մկների ուղեղում, որոնց հանձնարարված է մշակել արտաքին աշխարհից ստացված տեղեկատվությունը:
Դրանք հաղորդում են արու մկանը, արդյո՞ք մյուս մուկն էգ է, և նրան տալիս են սիրախաղ անելու ունակություն:
Միաժամանակ գիտնականները նշում են, որ մուկը մարդ չէ, ուստի հայտնի չէ՝ արդյո՞ք, այս զուգավորման մեխանիզմը կիրառելի է մարդկանց համար։ Բայց քանի որ այս սխեման գտնվում է ուղեղի էվոլյուցիոն առումով հնագույն մասում, այն, հավանաբար, ունիվերսալ է արու կաթնասունների շրջանում, ասել է Շահը:
