Ապրիլի 18-ին երկար ժամանակով կդադարեցվի բազմաթիվ հասցեների էլեկտրամատակարարումը          Օդի ջերմաստիճանը կբարձրանա 8-10 աստիճանով․ ինչ եղանակ է սպասվում առաջիկա օրերին       Ադրբեջանի և ՌԴ-ի բարձրագույն ղեկավարությունը որոշում են կայացրել ԼՂ-ից խաղաղապահների վաղաժամ դուրսբերման մասին    

26 սեպ 2023 12:57

Ադրբեջանի կողմից ՀՀ-ին առաջարկած խաղաղության պայմաններից մեկը 100 մլրդ դոլարն է որպես փոխհատուցում 30 տարիների համար

Թուրքական և ադրբեջանական լրատվամիջոցներում այս օրերին տեղեկություններ են շրջանառվում, որ Ադրբեջանը պատրաստվում է Հայաստանից պահանջել 100 միլիարդ դոլարի փոխհատուցում։

Թուրք-ադրբեջանական լրատվամիջոցների հավաստի աղբյուրների համաձայն՝ Ադրբեջանի կողմից Հայաստանին առաջարկած խաղաղության պայմաններից մեկը 100 միլիարդ դոլարն է, որը 30-ամյա, այսպես կոչված, «օկուպացիայի» փոխհատուցումն է։    

«Եթե Հայաստանը չվճարի այս փոխհատուցումը, ապա ողջ «Արևմտյան Զանգեզուրի» շրջանը պետք է վերադարձվի Ադրբեջանին»․ գրում են լրատվամիջոցները՝ ակնարկելով, որ Ադրբեջանը պատրաստ է իրականություն դարձնել «Զանգեզուրի միջանցքը», որի շուրջ երեկ Նախիջևանում բանակցություններ էր ընթացել Ալիևի և Էրդողանի միջև։

Հիշեցնենք, որ Բաքուն Հայաստանից փոխհատուցում էր պահանջում նաև Արցախի «շրջակա միջավայրին և բնական ռեսուրսներին հասցված վնասի» համար։ Բաքվի պնդմամբ` հայկական կողմը, իբրև, ոչնչացրել է 50-60 հազար հա անտառային տարածք։

Մեկնաբանություններ


Համընկնող լուրեր