Տեսանյութ.Արևմուտքն ուզում է, որ Հայաստանը ՀԱՊԿ-ից դուրս գալուց առաջ խիստ վիճի Ռուսաստանի հետ, դեռ ժամանակը չէ
Հումանիտար-քաղաքական հետազոտությունների միջազգային ինստիտուտի փորձագետ Վլադիմիր Բրուտերը Alpha News-ի հետ զրույցում մեկնաբանել է լուրն այն մասին, որ Հայաստանը Հավաքական անվտանգության պայմանագրի կազմակերպության (ՀԱՊԿ) գործընկերներին խնդրել է օրակարգից հանել երկրին օգնություն տրամադրելու մասին փաստաթուղթը:Փորձագետի կարծիքով՝ օգնությունից հրաժարվելը կապված է նրա հետ, որ Հայաստանն այլևս չի կողմնորոշվում ՀԱՊԿ շրջանակներում հավաքական աջակցության վրա:
«Հայաստանն այժմ օգնություն է փնտրելու Արևմուտքից։ Ադրբեջանն արդեն Ալիևի շուրթերով երեկ երեկոյան և այսօր առավոտյան հայտարարել է, որ Ֆրանսիան, զենք մատակարարելով Հայաստանին, ապակայունացնում է իրավիճակը Հարավային Կովկասում և փորձում նոր հակամարտություն հրահրել: Հայաստանն ակնկալում է, որ Արևմուտքը կօգնի իրեն և կզսպի Ադրբեջանին և Թուրքիային։ Ես կարծում եմ, որ Արևմուտքը կարող է Ադրբեջանին ասել, որ դուք չպետք է այնտեղ ռազմական գործողություններ սկսեք, բայց Ադրբեջանը, հենց այնպես չի էլ սկսի։ Ադրբեջանն այս պահին հստակ գծել է իր սահմանները քաղաքական առումով։ Նա պահանջելու է, որ ի պատասխան խաղաղության պայմանագրի՝ իրեն միջանցք տրամադրվի դեպի Նախիջևան»,-ասել է Բրուտերը։
Ինչ վերաբերում է ՀԱՊԿ-ից Հայաստանի դուրս գալուն, ապա քաղաքագետի խոսքով՝ այժմ Հայաստանը ՀԱՊԿ-ից դուրս չի գա, քանի որ դեռ դա չի ուզում Արևմուտքը:
«Արևմուտքը չի ուզում, որ Հայաստանը հիմա դա անի, քանի որ այդ դեպքում Արևմուտքի ազդեցությունն ակնհայտ կլինի։ Արևմուտքն ուզում է, որ Հայաստանը ՀԱՊԿ-ից դուրս գալուց առաջ խիստ վիճի Ռուսաստանի հետ։ Նրանց նկարի համար վեճեր են պետք, որպեսզի ցույց տան, որ ոչ ոք չպետք է բարեկամանա Ռուսաստանի հետ»,-եզրափակել է փորձագետը։
