Տեսանյութ. Պատկերացրեք 2 հայ թմրամոլ գնային Մոսկվա ու նման բաներ անեին.Աղմկահարույց տեսանյութի օտարերկրյա քաղաքացիները ձերբակալվել են
Երեկ գիշերը Երևանում խայտառակ դեպք է տեղի ունեցել: Ոչ ադեկվատ վիճակում գտնվող(հավանաբար թմրանյութերի ազդեցության տակ) երկու ՌԴ քաղաքացի շրջել են քաղաքով հայհոյել մարդկանց, վիրավորել, ծեր տատիկի առաջարկել ծեծել ինչպես Սիդորովի այծին (давай отпи…дим бабулю), ծաղիկներ վաճառողից ծաղիկները խլել և ոտատակ տվել՝ ասելով Ռամզան Կադիրովի գերեզմանին դնելու, մրգերը շպրտել հյութեր քամող աղջկա դեմքին...
Մի խոսքով՝ խայտառակ իրենց պահել:
Բոլոր վիդեոները չեմ տեղադրում, որովհետև ամբողջությամբ հայհոյանք են պարունակում և անպարկեշտ պահեր: Ընտրել եմ ամենաանմեղները: Այս ամենը նկարել են հենց իրենք: Չգիտեմ ինչպես է տարածվել, հավանաբար իրենց սոցցանցերում են դրել:
Բնականաբար, նրանց գտել են և այն նռից քամած հյութը, որոնցով խփում էր աղջկան, լրցրել գլխին ու բացատրական աշխատանք տարել:
Չեն ծեծել, չեն բռնաբարել, չեն սպանել: Ասել են՝ գիտենք, որ հիվանդ ես, թմրամոլ: Այդ մասին պատմում է հենց աղջիկը վիդեոյում: Ու խնդրել են ոչինչ չտարածել, զուտ վերաիմաստավորել իր կյանքը:
Մոտավորապես պատկերացնում եք՝ ինչ կանեին իրենց հետ Չեչնիայում, որի գերզմանի ծաղիկները նրանք ոտատակ էին տալիս:
Աղջիկն այդ նռախառն դեմքով վիդեոները նկարել է և ուղարկել ընկերներից մեկին, իսկ նա էլ արդեն տարածել: Հիմա արդեն ոչ ադեկվատ զույգը օդանավակայանում է, փախչում է:
Ողջ խնդիրն այն է, որ նորից պարտվեց պետությունը. այդ մարդկանց ժամ առաջ պետք է գտներ ոստիկանությունը՝ տուգաներ, հրապարակեր նրաց ներողության տեքստը, մի շարք նման դեպքերի համար ընթացակարգեր կիրառեր:
Բարոյական տեսակետից գուցե ճիշտ է, այն ինչ տեղի է ունեցել, բայց իրավական տեսանկյունից՝ ոչ: «Սամասուդը»՝ ինքնադատաստանը տեղ չունի իրավական պետությունում:
Թարմացված. պարզվում է նրանք արդեն ամսից ավել է նման այլանդակություններ են անում ու տեղադրում Տիկտոկում: Պատկերացրեք երկու հայ թմրամոլ գնային Մոսկվա ու նման բաներ անեինք: Քանի րոպեում կհայտնվեին համապատասխան վայրերում: Հետո խալաթով կդատեին, Սկաբեևան եթեր կմտներ, Մարգարիտա Սիմոնյանը ինչեր կգրեր և այլն և այլն...
Իր ֆեյսբուքյան էջում գրել է Գոհար Հայրապետյանը
***
Ուրիշի գույքի դիտավորյալ վնասման և խուլիգանություն կատարելու կասկածանքով բերման են ենթարկվել և ձերբակալվել 2 օտարերկրացի քաղաքացիներ՝ կին և տղամարդ։
Այս մասին հայտնեցին ՆԳՆ ոստիկանության լրատվության բաժնից՝ անդրադառնալով համացանցում տարածվավ աղմկահարույց տեսանյութին:
