Տեսանյութ.«Զվարթնոցում» դիմավորել են ԵԱ-ից մեդալներով վերադարձած ըմբիշներին
Անցած գիշեր Երեւանի «Զվարթնոց» օդանավակայանում չեմպիոնական տրամադրություն էր: Հունահռոմեական ոճի ըմբշամարտի Հայաստանի հավաքականի երկրպագուները եկել էին դիմավորելու Բուխարեստում անցկացված Եվրոպայի առաջնությունում չեմպիոններ դարձած Արթուր Ալեքսանյանին, Մալխաս Ամոյանին, բրոնզե մեդալակիր Մանվել Խաչատրյանին, Հայաստանի հավաքականին:Արմեն Բաբալարյանի գլխավորած թիմը Երեւան ժամանեց փետրվարի 16-ին 04:30-ին Բուխարեստ-Աթենք-Երեւան չվերթով: Չեմպիոններին եւ բրոնզե մեդալակրին դիմավորելու էին եկել Հայաստանի ըմբշամարտի ֆեդերացիայի նախագահ Ռոբերտ Խաչատրյանը, ԿԳՄՍ փոխնախարար Կարեն Գիլոյանը, ՀԱՕԿ ներկայացուցիչներ, մարզասերներ, չեմպիոնների ծնողները, բարեկամներն ու ընկերները:
