Նաշազգուշացո՞ւմ,թե՞...Արցախցիների 50.000 դրամ օգնությունը չեն տալիս
Փաշինյանը ապրիլ ամսվա համար նախատեսված «40+10 հազարական» դրամ աջակցությունը չի տվել արցախցիներին։Անցած 7-ամսյա ժամանակահատվածում այս աջակցությունը սովորաբար տրվում էր մինչև հաջորդ ամսվա 10-ը, սակայն մայիսի 13-ի դրությամբ ապրիլ ամսվա կտրվածքով նախատեսված օգնությունը ոչ մի բանկ դեռևս չի տրամադրել՝ պետությունից ֆինանսավորում չլինելու հիմքով։ Ըստ այդմ, որպես շահառու, մի շարք մարդիկ վերջին օրերին զանգահարել են Աշխատանքի և սոցիալական հարցերի նախարարության «թեժ գիծ»՝ 114 կարճ հեռախոսահամարով, սակայն ծանրաբեռնված օպերատորներից ոչ մեկին միանալ չի հաջողվել՝ պարզելու ուշացման պատճառը։
Նշենք, որ օրերս արցախցիներից մեկը հայտնել է, որ հակակառավարական ցույցերին մասնակցությունը կարող է հիմք հանդիսանալ՝ նշանակված օգնությունը չտրամադրելու համար։ Բացի այդ, իշխանամետ կազմակերպություներից նույնպես հնչել են արցախցիներին ուղղված «նախազգուշացումներ»՝ չմասնակցելու հանրահավաքներին, հակառակ դեպքում կզրկվեն ցուցաբերվող բարեգործական աջակցություններից։
Ըստ ամենայնի, պետական մեքենան խնդիր ունի շանտաժի և ահաբեկման ամենահնարավոր մեթոդներով կրճատելու և «տեղային» մասշտաբի բերելու համազգային բնույթ ստացած պայքարը, և ռեպրեսիվ լծակներ կիրառում է, մասնավորապես, բռնի տեղահանված և կառավարության «ժամանակավոր պաշտպանություն» ստացած արցախցիների նկատմամբ։
ORAGIR.NEWS
