Ինչո՞ւ է Առաջինի լրատվական ալիքի կայքի ադրբեջաներեն բաժինը գործում. Հ1-ի պարզաբանումը
Օրերս համացանցում սկսեցին քննարկել, թե Հայաստանի Հանրային հեռուստաընկերությունն ադրբեջաներով լրահոս է տալիս։ Բազմաթիվ քննադատություններ եղան հեռուստաընկերության հասցեին։Aysor.am-ի հարցմանը, թե երբվանի՞ց են սկսել ադրբեջաներեն լրահոս ապահովել՝ Հանրային հեռուստաընկերության հանրային կապերի բաժնից պատասխանեցին, որ Առաջին լրատվական ալիքի կայքի ադրբեջաներեն բաժինը գործում է արդեն 3 տարի՝ դեռևս 2021 թվականից.
«Դա լայնածավալ և բարդ աշխատանք է, որն ունի շատ կարևոր նշանակություն՝ հակազդել և կանխել Ադրբեջանի հակահայկական տեղեկատվությունը հանրության շրջանում:
Հավելենք, որ Հայաստանում լրատվական խոշոր գործակալությունների ադրբեջաներեն և թուրքերեն տարբերակների նախադեպեր արդեն իսկ կան: Մեր օրերում քարոզչության այս եղանակը ոչ միայն ընդունված է ամբողջ աշխարհում, այլև ուղղակի անհրաժեշտություն է և բխում է Հայաստանի Հանրապետության ազգային շահերից»:
