Տեսանյութ.Այսօր կենտրոնանում ենք այ այս երկրի վրա, որի տարածքը 29,743 քառակուսի կիլոմետր է. Կան ուժեր, որոնք չեն ուզում, որ այս պետությունը լինի
«Հա կան ուժեր աշխարհում, որոնք չեն ուզում, որ այս պետությունը լինի։ Դրան մեր ռեակցիան ի՞նչ լինի․ քար ու փայտը վերցնենք, գնանք, ասենք՝ է՛յ, ո՞վ ա, որ չի ուզո՞ւմ»:Այս մասին ասել է վարչապետ Փաշինյանը Սյունիք կատարած այցի ընթացքում քաղաքացիների հետ հանդիպման ժամանակ՝ հավելելով, որ այլ տարբերակ էլ կա՝ խելացի լինել, ասել, որ սա մեր երկիրն է և մեր երկրից մենք 1 միլիմետր զիջելու չունենք։
«Ուրիշի 1 միլիմետրին չենք հավակնում, ուրիշին չենք էլ թողնում, որ մեր մի տարածքին հավակնի։ Ի՞նչն ա սխալ այս պատմության մեջ։
Նրանք, ովքեր ասում են Հայաստանը այսքան չի այլ այսքան ա (ավելի մեծ), հա, մենք էլ ենք ասել, բոլորս, առանց բացառության այդ նույն մտածողության մեջ ենք եղել, բայց մենք մեր պատմությունից՝ իմիջիայլոց, պատմությունը մենակ 100 տարի առաջվանը չի, 2 տարի առաջվանն էլ ա պատմություն, 50 տարի առաջվանն էլ ա պատմութուն։ Մենք պիտի սովորենք, այսօր մենք կենտրոնանում ենք այ այս երկրի վրա, որի տարածքը 29,743 քառակուսի կիլոմետր է»,- ասել է վարչապետը:
նա հավելել է, որ այն արտաքին և ներքին ուժերը, ովքեր համոզում են, թե Հայաստանի Հանրապետությունը ավելի մեծ տարածքի պետք է հավակնի, քան 29 հազար 743 քառակուսի կիլոմետրը, մղում են դեպի Հայաստանի Հանրապետության կորստի ճանապարհ։
