Սենթ Լուիսի արագ և կայծակնային շախմատի մրցաշարում Լևոն Արոնյանը 4-րդ տեղն է զբաղեցրել
Սենթ Լուիսում ավարտվեց «Grand Chess Tour: Saint Louis 2024» արագ և կայծակնային շախմատի շրջանային մրցաշարը, հայտնում է Հայաստանի Շախմատի ֆեդերացիայի մամուլի ծառայությունը։Մրցաշարի մասնակիցներն էին գրոսմայստերներ Հիկարու Նակամուրան, Ֆաբիանո Կարուանան, Յան Նեպոմնյաշչին, Նոդիրբեկ Աբդուսատորովը, Ալիրեզա Ֆիրուջան, Ուեսլի Սոն, Ռամեշբաբու Պրագնանանդհան, Լենիեր Դոմինգեսը, Լևոն Արոնյանը և Մաքսիմ Վաշիե-Լագրավը:
Մրցաշարի ավարտից հետո լավագույն եռյակն ունի հետևյալ տեսքը.
1-ին տեղ՝ Ալիրեզա Ֆիրուջա
2-րդ տեղ՝ Ուեսլի Սո
3-րդ տեղ՝ Հիկարու Նակամուրա
Լևոն Արոնյանը 36 հնարավորից վաստակեց 19 միավոր և զբաղեցրեց 4-րդ հորիզոնականը՝ Նակամուրայից հետ մնալով ընդամենը կես միավորով:
