Վրաստանի իշխանությունները կարող են դիմել ՍԴ՝ ընդդիմադիր կուսակցություններն անօրինական ճանաչելու համար
Վրաստանի իշխանությունները կարող են դիմել Սահմանադրական դատարան՝ ընդդիմադիր կուսակցություններն անօրինական ճանաչելու համար. այս մասին, ՏԱՍՍ-ի փոխանցմամբ, ասել է վարչապետ Իրակլի Կոբախիձեն:«Նրանք բացահայտորեն դեմ են արտահայտվել Վրաստանի սահմանադրական համակարգին, ինչն էլ ուղղակի հիմք է ստեղծում՝ դիմելու Սահմանադրական դատարան և ընդդիմադիր կուսակցությունները հակասահմանադրական ճանաչելու համար: Տեսնենք՝ ինչպես կզարգանան գործընթացները: Ամեն ինչ մեր ձեռքերում է»,-ասել է Կոբախիձեն կառավարության նիստում։
Հիշեցնենք, որ հոկտեմբերի 26-ին կայացած խորհրդարանական ընտրություններից հետո իրավիճակը Վրաստանում շարունակում է լարված մնալ։ Ընդդիմությունը հրաժարվում է ճանաչել ընտրությունների արդյունքները՝ պահանջելով նոր ընտրությունների անցկացում։ Ընդդիմադիրները հրաժարվում են մտնել նոր գումարման խորհրդարան:
