Հայաստանը կմասնակցեր COP29 համաժողովին, եթե Բաքուն գերիներ վերադարձներ
Հայկական պատվիրակությունը կմեկներ COP29 համաժողովին մասնակցելու, եթե Բաքուն գերիներ վերադարձներ։ Այդ մասին այսօր ասել է ՀՀ ԱԺ նախագահ Ալեն Սիմոնյանը՝ նշելով, որ նման խոսակցություն եղել է։«Ինչո՞ւ չտվեցին՝ ես ադրբեջանցիների փոխարեն չեմ կարող պատասխանել», - ասաց Սիմոնյանը։
Միաժամանակ ՀՀ ԱԺ նախագահն առաջարկել է Ադրբեջանում պահվող հայ գերիների թեմային հետևել լուռ։
«Գերիների պահով եկեք մի բան պայմանավորվենք, էլի, միշտ բոլոր խոսակցությունների ժամանակ գերիների պահով աշխատանքը տարվում է, բացառվում է որեւիցե հանդիպում լինի, որտեղ գերիների մասով խոսակցություն կամ քննարկում տեղի չունենա։ Ուղղակի դրա մասին խոսելը ճիշտ չէ։ Նախ պետք չէ ինչ-որ սպասումներ առաջացնել. այդ մարդիկ ընտանիքի անդամներ ունեն, բաներ կան, որոնք մեզանից չեն կախված և այդ հուսախաբությունը շատ վատ բան է, մի գուցե նաև իրենք իրենց բարեկամների հետ Կարմիր Խաչի միջոցով կոնտակտի են դուրս գալիս և այդ մարդկանց էլ էնտեղ ինչ-որ բան ասեն։ Դրա համար լռություն է պետք այս թեմայով»,- ասել է Ա.Սիմոնյանը։
