Արդյունավետ բանակցություններ ունեցանք Պուտինի հետ, կա հնարավորություն սարսափելի պատերազմը վերջապես ավարտելու

Այս մասին ԱՄՆ նախագահ Դոնալդ Թրամփը հայտարարել է Truth Social-ում։
«Երեկ մենք շատ լավ և արդյունավետ բանակցություններ ունեցանք Ռուսաստանի նախագահ Վլադիմիր Պուտինի հետ, և շատ լավ հնարավորություն կա, որ այս սարսափելի, արյունալի պատերազմը վերջապես կավարտվի:
Հենց այս պահին հազարավոր ուկրաինացի զինծառայողներ ամբողջովին շրջապատված են ռուս զինվորականներով և գտնվում են շատ վատ և խոցելի վիճակում: Ես խնդրել եմ Պուտինին խնայել նրանց կյանքը։ Սա սարսափելի կոտորած կլինի, որը չէր տեսել Երկրորդ համաշխարհային պատերազմից հետո: Աստված օրհնի բոլորին»,-գրել է նա: