Հռոմի նոր Պապ է ընտրվել ամերիկացի կարդինալ Ռոբերտ Ֆրանսիս Պրևոստը, նա վերցրել է Լևոն XIV անունը
Պաշտոնապես ընտրվել է Հռոմի 267-րդ Քահանայապետը՝ Կարդինալ Ռոբերտ Ֆրանսիս Պրևոստը։Վատիկանում Սուրբ Պետրոս տաճարի կենտրոնական պատշգամբից ավանդական «Annuntio vobis gaudium magnum: habemus Papam!» («Ձեզ եմ ավետում մեծ ուրախություն, Քահանայապետ ունինք») խոսքով լուրը փոխանցեց նախասարկավագ կարդինալ Դոմինիկ Մամբերթին։
Նոր պապն ընտրել է Լևոն XIV անունը։
Կարդինալ Պրևոստն ամերիկացի է։ Նա երկար տարիներ ծառայել է տարբեր մայրցամաքներում, այժմ դարձել է աշխարհի Կաթոլիկ եկեղեցու նոր ղեկավարը՝ փոխարինելով հանգուցյալ Ֆրանցիսկոս պապին։ Սա կարևոր շրջադարձային պահ է ինչպես Վատիկանի, այնպես էլ համաշխարհային հավատացյալ համայնքի համար։
