ԱԺ պատգամավորներից յուրաքանչյուրի հաշվին ավելի քան 3 միլիոն դրամ է փոխանցվել․ «Հրապարակ»
«Հրապարակ»․ թերթը գրում է․ Մի քանի օր առաջ ԱԺ պատգամավորներից յուրաքանչյուրի հաշվին ավելի քան 3 միլիոն դրամ է փոխանցվել: Պատգամավորներին չեն պարզաբանել, թե ինչ գումար է, ինչու այդքան շատ: Որպես կանոն, տարեվերջին պետական գերատեսչություններում, այդ թվում՝ խորհրդարանում, աշխատակիցները, պատգամավորները, այսպես կոչված, 13-րդ աշխատավարձ են ստանում, եւ պատգամավորների դեպքում` դեկտեմբերի աշխատավարձի հետ դա կազմում է մոտավորապես 1 միլիոն 200 հազար դրամ, դրան գումարած 500 հազար դրամ պատգամավորական գումարները: Իսկ թե ինչ հաշվարկ է գործել այս տարի, որ գումարը եռապատկվել է` դժվար է ասել: Հիշեցնենք, որ օրեր առաջ ԱԺ նախագահը աշխատակազմին պարգեւատրելու կարգադրություն էր ստորագրել:Մենք ԱԺ նախագահի խոսնակից հետաքրքրվեցինք, թե արդյո՞ք այդ կարգադրությամբ են պատգամավորները 3 միլիոնից ավելի գումար ստացել, նա մեր հարցին պատասխանելու համար առաջարկեց գրավոր հարցում ներկայացնել։ Խորհրդարանում 107 պատգամավոր կա, այսինքն` 321 միլիոն դրամ պետական բյուջեից գումար է դուրս գրվել, ինչն ավելի քան 800 հազար դոլար է կազմում։
Հոդվածն ամբողջությամբ կարող եք կարդալ «Հրապարակ» թերթի՝ ՝ 18. 12․ 25 թ
