Իրանը պահանջել է փոխել ԱՄՆ-ի հետ բանակցությունների վայրն ու ձևաչափը
Իրանի իշխանությունները պահանջել են փոխել ԱՄՆ-ի հետ միջուկային համաձայնագրի շուրջ փետրվարի 6-ին նախատեսված բանակցությունների վայրը և ձևաչափը, հայտնել է Axios-ը՝ հղում անելով իրավիճակին ծանոթ երկու աղբյուրների:Axios-ի աղբյուրների համաձայն՝ Իրանը ցանկանում է հանդիպումը Ստամբուլից տեղափոխել Օման:
Բացի այդ, Իրանի իշխանությունները պահանջում են, որ բանակցությունները տեղի ունենան երկկողմ ձևաչափով՝ առանց արաբական և մուսուլմանական երկրների դիտորդների մասնակցության: Դա պայմանավորված է նրանով, որ Թեհրանը ցանկանում է բանակցությունները սահմանափակել միջուկային համաձայնագրով:
Axios-ը, հղում անելով աղբյուրներին, երեկ հայտնել էր, որ ԱՄՆ նախագահի հատուկ դեսպանորդ Սթիվ Վիտկոֆֆը և Իրանի արտաքին գործերի նախարար Աբբաս Արաղչին կհանդիպեն փետրվարի 6-ին՝ քննարկելու Իրանի միջուկային ծրագիրը:
Պորտալի զրուցակիցներից մեկը նշել է, որ ծրագրերը կարող են փոխվել:
