Սպանվել է ԻՀՊԿ ռազմածովային ուժերի հրամանատար Ալիռեզա Թանգսիրին
Իրանի Իսլամական հեղափոխության պահապանների կորպուսի ռազմածովային ուժերի հրամանատար, կոնտր-ադմիրալ Ալիռեզա Թանգսիրին է սպանվել։Ռազմական գործիչը մահացել է ԱՄՆ-ի և Իսրայելի հետ հակամարտության ժամանակ, հայտարարել է ԻՀՊԿ-ն։
Իրանի Իսլամական հեղափոխության պահապանների կորպուսը հաստատել է, որ ԻՀՊԿ ռազմածովային ուժերի հրամանատար, կոնտր-ադմիրալ Ալիռեզա Թանգսիրին սպանվել է: Այս մասին հաղորդել է Fars-ը՝ մեջբերելով իրանական զինվորականների հայտարարությունը:
«Մեր ժողովուրդը սովոր է նման նահատակությունների և գիտի, որ ճակատը, որը ոչ մի պահ չի կանգ առել, վստահորեն կշարունակի իր ուղին»,-ասվում է հայտարարության մեջ:
Մարտի 26-ին Իսրայելի պետական հեռարձակող Kan-ը հաղորդել է Թանգսիրիի սպանության մասին՝ հղում անելով աղբյուրին: Մահացածը պատասխանատու էր Հորմուզի նեղուցի փակման համար: Ըստ իսրայելական հեռարձակողի՝ նա սպանվել է Իրանի Բանդար Աբբաս նավահանգստային քաղաքի վրա հարվածների ժամանակ:
