Չեմբեռլենը պատմության մեջ մնացել է որպես հանձնող, զիջող.Իրականում ի՞նչ է արել նա. զոհաբերել է իր կյանքն ու ապագան, բայց Բրիտանիան փրկել է պարտությունից          Բաքուն ևս մեկ «հաղթանակ» է ուզում.Ադրբեջանի Նավթադոլարները սպառվում են,Էրդողանին պետք էվճարի պատերազմի ժամանակ աջակցության համար       Անբուժելի քաղցկեղի դեմ պայքարի միջոց է առաջարկվել,ովքեր ունեն կրծքագեղձի եռակի բացասական քաղցկեղի ամենավատ ձևը    

05 մայիս 2017 14:00

Հինգ ծուղակ՝ կամքի ուժի համար

1. Ցրվածություն
Կամային ջանքեր պահանջող որոշումները չի կարելի ընդունել ավտոպիլոտով: Ընտրության ժամանակ պետք է կենտրոնանալ, հակառակ դեպքում՝ կարելի է աննկատ տրվել գայթակղությանը: Սթենֆորդի համալսարանի մարքեթինգի պրոֆեսոր Բաբա  Շիվն ապացուցել է, որ երբ մարդիկ տարվում են, նրանք ավելի շատ են հակված տրվել փորձություններին: Օրինակ, ուսանողները, ովքեր փորձում են հիշել հեռախոսահամարները, ինչ-որ բան ուտելու համար 50%-ի դեպքում ընտրում են շոկոլադե կեքսը, ոչ թե մրգեր, իսկ ցրված գնորդներն ավելի ընկալունակ են գովազդների նկատմամբ:
2. Գլյուկոզայի անբավարարություն
Հարվային Դակոտայի հետազոտողները ենթադրում են, որ ուղեղը մշտապես թուլացնում է ինքնավերահսկողությունը՝ խնայելու նպատակով. նա էներգիա է ծախսում, երբ պաշարները մեծ են, իսկ երբ ռեսուրսներն սպառվում են՝ սկսում է  խնայել: Այս տեսությունը ստուգելու համար՝ գիտնականներն էքսպերիմենտ են անցկացրել: Մասնակիցներին առաջարկվել է ընտրություն կատարել երկու մրցանակների միջեւ՝ վերցնել 120 դոլար, որը կարելի է ստանալ այսօր կամ 450 դոլար՝ մեկ շաբաթից: Մինչեւ էքսպերիմենտը՝ չափել են մասնակիցների արյան մեջ շաքարի մակարդակը, եւ առաջին փուլից հետո մասնակիցներին նաեւ կոլա են առաջարկել: Այն մասնակիցները, որոնք «շաքարային սնուցում» են ստացել, ավելի մեծ կամք են ցուցաբերել եւ որոշել են սպասել 450 դոլարին:
3. Չափազանց մեծ ջանքեր
Կամքի ուժը ինչ-որ բանով նաեւ մկանի է նման: Այն նույնպես կարող է հոգնել եւ վերականգնվել հանգստից հետո: Նման եզրահանգման է եկել ամերիկացի հոգեբան Ռոյ Բաումայստերը՝ հետեւելով մարդկանց, ովքեր ստիպված են եղել վերահսկել իրենց տարբեր իրավիճակներում:
Պարզվել է, որ կամքի ուժի ռեսուրսները սահմանափակ են եւ բոլոր գործողությունների համար չեն բավականացնում. եթե մեկ ոլորտում ծախսվում են ինքնավերահսկման ողջ ուժերը, ապա ստիպված ես լինում թուլություն դրսեւորել մեկ այլ տեղում: Օրինակ, ծխողները, հրաժարվելով սիգարետից, տարվում են քաղցրով, իսկ իրենց զգացմունքները մշտապես զսպող մարսդիկ դժվարությամբ են կառավարում ֆինանսական ծախսերը:
4. Բարի նպատակներ
Նյու Յորքի համալսարանի մասնագետները հետաքրքրվել են Մակդոնալդսի տարօրինակ վիճակագրությամբ. Բիգմակ համբուրգերի վաճառքը  նկատելիորեն աճել էր այն բանից հետո, երբ սննդակարգում ավելի առողջ սնունդ էր հայտնվել: Պարզվել է՝ պատճառն այն է , որ մարդակային միտքը հակված է ապագա որոշումը (կամ անգամ նման որոշման հնարավորությունը) ընդունել որպես արդեն կատարված գործողություն: Ուստի «աղցանի»  առաջարկի ի հայտ գալն արդեն իսկ հավասարվում է օգտակար ուտեստի ընտրությանը, որից հետո այցելուն ենթագիտակցորեն կարծում է, որ քանի որ արդեն զբաղվել է իր առողջությամբ, հիմա արդեն կարելի է  նաեւ թուլանալ:
5. Վախ եւ մեղքի զգացում
Փորձելով մարդուն օգնել իրեն հավաքել, հաճախ են փորձում նրան մեղքի զգացումով ճնշել: Բայց դա ամենահաջող մոտեցումը չէ: Մեղքի զգացողությունը սթրես է առաջացնում, իսկ ուղեղը, տհաճ զգացողությունները հաղթահարելու համար, սկսում է հաճելի զգացմունքներ փնտրել: Ուստի իրենց մեղավոր զգացողները սկսում են ավելի շատ ուտել, խմել, գնումներ անել եւ տարվել խաղերով: Նման արձագանք է առաջացնում նաեւ վախը: Հոգեբանները  մթերային խանութում այցելուներին խնդրել են մտածել սեփական մահվան մասին: Պարզվել է՝ նման փորձից հետո մարդիկ սկսել են ավելի շատ գումար ծախսել ուտելիքի վրա՝ սթրեսը խեղդելու համար:

Մեկնաբանություններ


Համընկնող լուրեր