ՀՀԿ-ն կամա թե ակամա իր հաղթանակի համար բոլոր ռեսուրսներն օգտագործել է. «Երկիր Ծիրանի»
Երեւանի ավագանու ընտրությունների նախընտրական քարոզարշավի ժամանակ մրցակցությունն, իհարկե, արդար չէր, քանի որ իշխող Հայաստանի հանրապետական կուսակցությունը կամա թե ակամա հաղթելու համար օգտագործել է բոլոր ռեսւորսները։ Այս մասին մայիսի 10-ին լրագրողների հետ հանդիպման ժամանակ ասել է «Երկիր Ծիրանի» կուսակցությունից Երեւանի ավագանու թեկնածու Հայկ Պետրոսյանը։
Նրա կարծիքով՝ դպրոցների ու մանկապարտեզների տնօրենները չպետք է Երեւանի քաղաքապետ նշանակվեն։ «Հայաստանի հանրաետական կուսակցությունը տարիներ շարունակ խեղված քաղաքական մշակույթ է սերմանում, որը մենք արմատախիլ կանենք»,-վստահեցրել է Պետրոսյանը՝ հավելեով, որ Երեւանի ավագանու ընտրությունները քաղաքական ընտրություններ են։
Հիշեցնենք, որ Երեւանի ավագանու ընտրությունները տեղի կունենան մայիսի 14-ին։
