Շիրակի մարզում այրվել են տուն և անասնագոմ          Տեսանյութ.«Մերժիր գժին» նախաձեռնության անդամները փակել են Իսակովի պողոտան, այստեղ են կարմիր բերետավորները       Մենք հիշում ենք Հայոց ցեղասպանության ժամանակ կորսված կյանքերն ու վերահաստատում երբեք չմոռանալու մեր խոստումը    

13 մայիս 2017 16:20

10 հոբբի, որոնք թույլ չեն տա ուղեղին «ժանգոտել»

Մեդիտացիա

Մեդիտացիան օգնում է նվազեցնել սթրեսի մակարդակը, արյան ճնշումը, ամրապնդում է իմունային համակարգը եւ լավացնում կենտրոնանալու ունակությունը: Ընդամենը տասը րոպեով լիարժեք թուլանալու դեպքում հրաշալի տրամադրություն եք ունենում եւ լավացնում ուղեղի աշխատանքը:

Այգեգործություն

Այգեգործությունը զարմանալիորեն օգտակար հոբբի է ուղեղի համար: Միրգ եւ բանջարեղեն աճեցնելը նվազեցնում է կորտիզոլի՝ սթրեսի հորմոնի մակարդակը, դրական լիցքեր է հաղորդում, ձեռքբերումների համար հպարտության զգացողություն է առաջացնում: Բացի այդ, այգեգործությամբ զբաղվելիս ֆիզիկական աշխատանք եք կատարում եւ մաքուր օդին ժամանակ ենք անցկացնում: 

Կերակուր պատրաստել

Հետազոտությունները ցույց են տվել, որ այն մարդիկ, որոնք տանն են կերակուր պատրաստում, ընդհանուր առմամբ, ավելի առողջ կենսակերպ են վարում: Բացի այդ, նրանք առավելագույնս առողջ մթերքներ ընտրելու եւ պատրաստելու ընթացքը վայելելու հնարավորություն են ունենում:

Ընթերցանություն

Ընթերցանությունը սովորեցնում է կենտրոնանալ, ընդլայնում է բառապաշարը, զարգացնում երեւակայությունը, վերլուծելու ունակությունը եւ ուղեղն ավելի ակտիվ է դարձնում: Բացի այդ, ընթերցանությունը սթրեսի դեմ պայքարելու լավագույն միջոցն է. այն 69%-ով նվազեցնում է սթրեսի մակարդակը: Քնելուց առաջ կարդալը նաեւ օգնում է խորը եւ առողջ քուն ունենալ:

Երաժշտական գործիքով նվագել

Նվագելը նպաստում է մտավոր ունակությունների զարգացմանը, բարելավում կոորդինացիան: Երաժշտական գործիք նվագելը նաեւ բարձրացնում է ե՛ւ երեխաների, ե՛ւ մեծահասակների IQ-ի մակարդակը:

Շախմատ

Շախմատը, անկասկած, լավագույն հոբբիներից է ուղեղի համար. խաղալիս զարգանում են ուղեղի երկու կիսագնդերն էլ, լավանում է հիշողությունը եւ ռազմավարական մտածողությունը:

Պարեր

Պարը ոչ միայն հրաշալի ֆիզիկական մարզանք է, այլեւ նվազեցնում է սթրեսն ու բարձրացնում սերոտոնինի մակարդակը: Պարը նաեւ նպաստում է ավելի խելացի դառնալուն, քանի որ շարժումները հիշելու եւ վերարտադրելու համար Դուք ուղեղի տարբեր հատվածներն եք օգտագործում:

Թիմային մարզաձեւեր

Խաղալով թիմում՝ դուք բազմաթիվ առավելություններ եք ստանում. շարժունակություն, նոր ընկերներ, շփում: Հետազոտությունները ցույց են տալիս, որ շփման բացակայությունը բացասաբար է անդրադառնում ուղեղի եւ ընդհանուր առողջական վիճակի վրա: Այդ պատճառով բասկետբոլը, ֆուտբոլը, վոլեյբոլը ժամանակն օգտավետ անցկացնելու հրաշալի միջոց կդառնան:

Մարտարվեստ

Բացի ակնհայտ առավելությունից՝ ինքդ քեզ պաշտպանելու ունակությունից, մարտարվեստը հրաշալի զարգացնում է ուղեղը՝ բարձրացնելով կենտրոնանալու, հավասարակշռությունը պահպանելու ունակությունը, ինչպես նաեւ օգնում է հասնել մտքի եւ մարմնի միասնության:

Հյուսելը

Մասնագետները պնդում են, որ հյուսելը տագնապի, անհանգստության, դեպրեսիայի եւ քրոնիկական ցավերի դեմ պայքարի հրաշալի միջով է: Ձեռքով աշխատելու առավելությունները կարելի է համեմատել մեդիտացիայի արդյունքի հետ:


Մեկնաբանություններ


Համընկնող լուրեր