Քացախով դիմակ՝ ազդրերի ցելյուլիտից ազատվելու համար

Առողջ սննդակարգն ու մարզումները բավական չեն ազդրերի գեղեցիկ ու ձիգ մաշկ ունենալու համար: Ցավոք, ցելյուլիտը կարող է առաջանալ նույնիսկ բարեկազմ կանանց մոտ՝ պայմանավորված լինելով հորմոնալ խանգարումներով, մարսողության խանգարումներով և նույնիսկ գենետիկ հակվածությամբ:

Սակայն կա մի արդյունավետ պրոցեդուրա, որը շաբաթական երկու անգամ անցկացնելու դեպքում ընդամենը մեկ ամիս անց կարելի է ձեռք բերել հարթ, ձիգ ու առողջ մաշկ: Ընդ որում՝ այդ պրոցեդուրայի ընթացքում օգտագործվող հիմնական բաղադրիչներից մեկը խնձորի քացախն է:

Առհասարակ խնձորի քացախը հիանալի միջոց է, որը կանայք կիրառում են ավելորդ քաշից ազատվելու համար: Այն օգտագործում են ինչպես լոգանք ընդունելիս, այնպես է մերսումների ժամանակ: Բանն այն է, որ քացախը պարունակում է մրգային թթուներ, ինչի շնորհիվ բարելավվում է նյութափոխանակությունը: Բացի այդ, քացախը քայքայում է ճարպն ու դուրս է բերում այն օրգանիզմից:

 

Ձեր ուշադրությանն ենք ներկայացնում մի հիանալի բաղադրատոմս, որի բոլոր բաղադրիչները կարելի է գտնել յուրաքանչյուրի խոհանոցում: 

Բաղադրությունը. 

·  0,5 բաժակ խնձորի քացախ,

·  0,5 բաժակ մեղր,

·  0,5 բաժակ ալյուր, 

·  սննդի համար նախատեսված պոլիէթիլենային թաղանթ: 

Օգտագործման եղանակը.

·  Ալյուրը, մեղրն ու քաղախը խառնել, մինչև ստացվի միջին թանձրության խմոր:

·  Մաքրել մաշկը, այնուհետև քացախով խմորը քսել այն հատվածներին, որտեղ ցելյուլիտ է նկատվում և փաթաթել պոլիէթիլենային թաղանթով: 

·  Դիմակը հարկավոր է թողնել մեկ ժամ, այնուհետև լվանալ մաշկը գոլ ջրով և քսել խոնավեցնող նրբաքսուք: 

·  Քացախի պատճառով կարող է նկատվել թույլ ծակծկոց, սակայն դա միայն կնշանակի, որ դիմակը սկսել է ազդել: