Սիրում եմ Սերենային սիրող հայերին. Ալեքսիս Օհանյան
Հայտնի ծրագրավորող, Reddit սոցիալական ցանցի հիմնադիր Ալեքսիս Օհանյանը Instagram-ի իր էջում արձագանքել է Սերենա Ուիլյամսի և հայերի մասին մեկնաբանությանը:«Դուք հիասքանչ եք: Ձեր կինը և դուստրը՝ նույնպես: Իմ սկեսրայրը Ձեր կնոջը «մեր հայուհի հարս է» անվանում, թեև նրա հարսը ես եմ», - գրել է Օհանյանի հայ հետևորդներից մեկը:
Ալեքսիս Օհանյանն էլ պատասխանել է մեկնաբանությունը:
«Ես սիրում եմ բոլոր հայերին («հայեր» բառը փոխարինել է հայկական դրոշով), ովքեր ընդունում են Սերենային», - գրել է Օհանյանը:
Մեկնաբանությունը վերաբերում է Ալեքսիս Օհանյանի մի լուսանկարին, որտեղ նա և իր գործընկերները Օմահայում աշխատաժողովում են մասնակցում:
