Մենք շուտով կիմանանք, թե ովքեր են եղել Crocus City Hall-ի ահաբեկչության պատվիրատուները. փորձագետ          Տեսանյութ.Արա, դուք վախեցած եք,Ճիշտ եք անում, որ վախենում եք.պահը մոտենում է.ինչ պլանավորել ենք, անելու ենք       Պուտինը հաջորդ հանդիպման ժամանակ Փաշինյանին ասել է. «Մենք զարմացած էինք, որ դուք այդպես որոշեցիք՝ ԼՂ-ն ճանաչել է Ադրբեջանի մաս    

29 մայիս 2018 19:03

Նիկոլ Փաշինյանի ծրագիրը. ՀՀԿ-ում չեն կարդացել, բայց համաձայն են

Հունիսի 7-ին վարչապետ Նիկոլ Փաշինյանը պետք է խորհրդարանի հաստատմանը ներկայացնի իր կառավարության ծրագիրը: Եթե այն հաստատվի, իսկ մեծամասնություն կազմող ՀՀԿ-ն ասել է, որ չի խանգարելու նոր կառավարությանը, ապա ըստ ՀՀԿ-ի՝ խորհրդարանը ներկայիս կազմով կարող է մնալ մինչեւ 2022 թվականը, եւ Նիկոլ Փաշինյանի կառավարությունը չի կարողանա կատարել իր հրամայականներից մեկը՝ արտահերթ խորհրդարանական ընտրությունների անցկացումը:
Փորձագետները չեն բացառում, որ Նիկոլ Փաշինյանն այնպիսի ծրագիր կառաջարկի, որը ՀՀԿ-ն պարզապես չի կարող հաստատել: Տեսականորեն այդպիսի ծրագիր կարելի է գրել՝ դրանում ներառելով նախորդ իշխանության պատասխանատվությունը սոցիալ-տնտեսական ձախողման, կոռուպցիայի եւ այլ արատների համար: Նիկոլ Փաշինյան կանի՞ դա:
Մյուս կողմից, ՀՀԿ-ն կարող է առանց որեւէ հարցի հաստատել Նիկոլ Փաշինյանի կառավարության ծրագիրը: Այդ դեպքում Ծառուկյան դաշինքի պատգամավորները պետք է հարցեր տան, պատգամավորներ, ովքեր չեն թաքցնում արագ ընտրություններ անելու շահագրգռվածությունը: Այնպես որ, հունիսի 7-ին Հայաստանի հանրությունը ուշադիր հետեւելու է, թե ինչպես են Ծառուկյան դաշինքի պատգամավորները փորձում տապալել Նիկոլ Փաշինյանի ծրագիրը, իսկ ՀՀԿ-ն՝ կողմ քվեարկում ծրագրին:
Ամեն ինչ, իհարկե, կարող է այլ կերպ լինել: Օրինակ, Սուրեն Զոլյանն ասում է, որ Նիկոլ Փաշինյանը կարող է դատարկ թուղթ բերել խորհրդարան, որը չի հաստատվի, եւ այդ ժամանակ հնարավոր կլինի ցրել խորհրդարանը:
Փոխվարչապետ Տիգրան Ավինյանը նշել է, որ ժողովուրդը պատրաստվում է արտահերթ խորհրդարանական ընտրությունների, եւ այն տեղի կունենա անկախ ՀՀԿ ցանկությունից: Հարցն այն է, սակայն, թե ինչ տեղի կունենա, եթե հունիսի 7-ին Ազգային ժողովը հավանություն տա կառավարության ծրագրին: Տիգրան Ավինյանը նշել է, որ իրենք խորհրդարանը ցրելու եւ արտահերթ ընտրություններ անցկացնելու այլ մեխանիզմ կընտրեն, որն ավելի ուշ կներկայացնեն:
Էկոնոմիկայի նախարար Արծվիկ Մինասյանն ասել է, որ այսպես թե այնպես Հայաստանում արտահերթ խորհրդարանական ընտրություններ են անցկացվելու: Նրա խոսքով, փաստ է, որ խորհրդարանում ուժերի հարաբերակցությունը չի համապատասխանում ստեղծված իրողություններին, հետեւաբար ընտրություններ են անհրաժեշտ:
ՀՀԿ ներկայացուցիչներն էլ ասում են, որ պատրաստվում են 2022 թվականի հերթական ընտրություններին եւ արտահերթ ընտրությունների պատճառ չեն տեսնում:
աղբյուր՝ lragir.am

Մեկնաբանություններ


Համընկնող լուրեր