Պուտինը Թրամփին Մոսկվա է հրավիրել
Ռուսաստանի նախագահ Վլադիմիր Պուտինը իր ամերիկացի գործընկեր Դոնալդ Թրամփին Մոսկվա է հրավիրել: Այս մասին հաղորդում է lenta.ru-ն:Ռուսաստանի նախագահը հայտարարել է, որ Թրամփը պատրաստ է հետագա հանդիպումներին: «Ես նույնպես պատրաստ եմ»,- ասել է նա Հարավային Աֆրիկայում կայացած BRICS-ի գագաթաժողովի արդյունքների ամփոփիչ ասուլիսում:
Պուտինի խոսքով՝ ԱՄՆ-ի հետ շփումները շարունակվում են, շուտով հնարավոր են նաև միջազգային մակարդակի հանդիպումներ:
Ավելի վաղ ՌԴ նախագահը հայտարարել էր, որ նախագահ Թրամփի մեծ առավելությունն այն է, որ նա ձգտում է իրականացնել իր խոստումները, նախևառաջ իր ընտրողներին տրված խոստումները:
«Ինչ վերաբերում է մեր հանդիպումներին, ես դրանք օգտակար եմ համարում»,- ասել է նա:
