Տեսանյութ.Հանձնել է այդ չորս գյուղերը և Սյունիքն էլ է հանձնելու. դուք խոսքի, խոստումների համար տալիս եք տարածքի մի մա՞սը          Ամբողջ աշխարհի աչքի առջև ՀՀ-ն վերածվում է ծայրահեղ վտանգավոր ծրագրերի իրականացման գործիքի.Թե ինչու է Երեւանը ձեւացնում, թե չի հասկանում, թե ինչի մասին է խոսքը, մեծ հարց է       Եվ ահա նոր սպառնալիք.Հրավիրում ենք իրավապահների ուշադրությունը.«Զանգի, ասա` ռnւմբ կա «Դալմա մոլ»-ում»    

18 օգոս 2018 13:08

Կառավարության գործունեության 100 օրը .Վարչապետի ելույթի «բոց» մասերը

Կառավարության գործունեության 100 օրը .Վարչապետի ելույթի  «բոց» մասերըԿառավարության գործունեության հարյուր օրը Նիկոլ Փաշինյանը երեկ ամփոփել է Հանրապետության հրապարակում՝ հրավիրված հանրահավաքի մասնակիցների անմիջական ներկայությամբ։ Ներկայացնում ենք վարչապետի ելույթի կարևոր մասերը:
Ղարաբաղի հարցի լուծող-չլուծողը ժողովուրդն է
Ես Ղարաբաղի հարցով դեռ ոչ մի բան չեմ բանակցել: Նրանք իրենց հետ են շփոթում, որ բացի հող հանձնելուց, ուրիշ բանի մասին չեն բանակցել, և ես դա գիտեմ փաստաթղթավորված, որովհետև տիրապետում եմ բանակցային գործընթացի ողջ պրոցեսին։ Ես ասել եմ, որ պատրաստ եմ բանակցել ՀՀ-ի անունից, իսկ Արցախի անունից պետք է բանակցի Արցախի Հանրապետությունը։ Բայց մենք նաև պատերազմ չենք ուզում, մենք իսկապես պատրաստ ենք խաղաղ բանակցությունների, բայց նա, ով փորձում է ինձ վրա որեւէ կասկած գցել, չի հասկանում, որ Ղարաբաղի հարցի լուծող-չլուծողը կառավարությունը չէ, ժողովուրդն է:
Եթե բանակցային գործընթացի արդյունքում կլինի կարգավորման մի տարբերակ, որը ես կհամարեմ, որ լավ տարբերակ է, որևէ մեկը չմտածի, որ ես ձեզնից թաքուն գործողություն կանեմ կամ թուղթ կստորագրեմ: Երբ տեսնեմ, որ կա տարբերակ, որի շուրջ կարելի է խոսել, ես կգամ ու կկանգնեմ այստեղ, բոլոր մանրամասնություններով կներկայացնեմ, և դուք կորոշեք` գնում ենք, թե չենք գնում։
Մարտի 1-ի գործը, ըստ էության, բացահայտված է
Լսել եմ Հատուկ քննչական ծառայության պետ Սասուն Խաչատրյանի հայտարարությունները, որոնք հնչել են նրա հարցազրույցներում։ Իմ մեկնաբանությունը հայտնի դարձած տեղեկատվությանը հետևյալն է՝ մարտի 1-ի գործը, ըստ էության, բացահայտված է: Բացառում եմ, որ որեւէ մեկը կխուսափի Մարտի 1-ի տասը քաղաքացիներին սպանելու եւ ՀՀ-ում պետական հեղաշրջում իրականացնելու պատասխանատվությունից: Չի՛ կարող լինել այդպիսի բան: Նստելու եք բոլոր մարդասպաններով, և լիազորված եմ սա հայտարարել ՀՀ ժողովրդի, քաղաքացիների անունից։
Հերթով բացահայտում ենք Հայաստանի բոլոր թալանչիներին
Մեր կառավարության 100-օրյա գործունեության ամենահիշարժան ձեռքբերումներից մեկը կոռուպցիայի դեմ պայքարն է։ Մենք հերթով բացահայտում ենք Հայաստանի բոլոր թալանչիներին, եւ կոռուպցիայի դեմ
պայքարում մեր կարեւորագույն խնդիրը ոչ թե բանտերը լցնելն է, այլ ձեզանից գողացված գումարերը լումա առ լումա վերադարձնելը: Այսօր արդեն տասնյակ միլիոն գողացված դոլարներ վերադարձվել և վերադարձվում են պետությանը, սակայն իրավապահ մարմինները աշխատում են խստագույն ծանրաբեռնվածությամբ:
Այսօր ավելի բարձր են հնչում տեսակետներ, որ մեր դատավորների մի մասը երկար տարիներ սպասարկել է կոռուպցիոն համակարգին, որ բազմաթիվ դատավորներ հենց իրենք եղել են այդ համակարգի մաս, եւ այս իմաստով անվստահությունը դատական մարմինների նկատմամբ շարունակում է շատ խորը մնալ։ Սա շատ նուրբ թեմա է, եւ մենք չպետք է տրվենք դատական իշխանության գործերին խառնվելու գայթակղությանը, եւ ես հրաժարվելու եմ դատական իշխանությանը հրահանգներ տալու արատավոր պրակտիկայից։
ՀՀ բարձրաստիճան պաշտոնյաների մեջ չկան կոռումպացված անձինք
Պետական կառավարման համակարգի կառավարումը ստանձնելով՝ համոզվել են, որ դա նման է սուտլիկ որսկանի երեք կաթսաներին, որ երկուսը ծակ է, մեկն էլ ընդհանրապես տակ չունի: Մեր պետությունն այնքան կոռումպացված է եղել, որ որքան վերևից լցրել ենք այդ կաթսաների մեջ, տակերից փախել է մի քանի տասնյակ կոռումպացվածների գրպաններ: Բայց պաշտոնապես ուզում եմ ասել, որ այսօր ՀՀ-ում կոռուպցիա չկա: ՀՀ բարձրաստիճան պաշտոնյաների մեջ չկան կոռումպացված անձիք և չեն լինելու, ես դա ձեզ անձամբ երաշխավորվում եմ։
Պետական կառավարման օպտիմալացում
Կարևոր է պետական կառավարման համակարգի արդյունավետության բարձրացումը, քանի որ այսօր ըստ էության անարդյունավետ կերպով ծախսվում է պետական բյուջեի մի հսկայական մասը: Նախարարությունների, պետական կառավարման մարմինների թիվը շոշափելիորեն պետք է կրճատվի:
Մեր նպատակներից մեկը հայ-ռուսական հարաբերությունները խորացնելն է
Հայ-ռուսական հարաբերությունները ոչ միայն վատ չեն, այլ ի հեճուկս ՀՀԿ-ի՝ լավ են և գնալով ավելի ու ավելի լավանալու են: Մենք ասել ենք, որ արտաքին քաղաքական ռևերանսներ չեն լինելու, և մեր նպատակներից մեկը հայ-ռուսական հարաբերությունները խորացնելն է։
Շուտով կտեղեկացնենք հայ-ռուսական համատեղ հումանիտար նախագծի մասին, որն աննախադեպ է լինելու Երրորդ հանրապետության պատմության մեջ: Դա լինելու է կոնկրետ ապացույցն այն բանի, որ գնում ենք մեր հարաբերությունները նոր մակարդակի բարձրացնելու ուղղությամբ։
Մենաշնորհները վերացված են
Մենք վերացրել ենք ՀՀ-ում տնտեսական մենաշնորհները, և հիմա ձեզնից յուրաքանչյուրն ազատ է աշխատել, ներդրումներ անել, իր մի քառակուսի հայրենիքը ծաղկեցնել և ՀՀ քաղաքական հեղափոխության նման իրականացնել տնտեսական հեղափոխություն։


Մեկնաբանություններ


Համընկնող լուրեր