Ինչպես կարող են Երևանի իշխանություններն իրենց երկիրն անվտանգ համարել, երբ նրա տարածքի որոշ հատվածներ արդեն օկուպացված են ադրբեջանցիների կողմից          Գեղարքունիքի մարզում հայրը կասկածվում է իր անչափահաս դստերը հաճախակի ծեծի ենթարկելու մեջ և փորձել է սեռական հարաբերություն ունենալ նրա հետ       Պարզվել է վանաձորցի 20-ամյա հղի կնոջ մահվան պատճառը    

25 դեկ 2018 12:04

Երևանում ապրելն ավելի կթանկանա.տուրքեր կբարձրանան

 Երևանում ապրելն ավելի կթանկանա.տուրքեր կբարձրանանԵրևանի ավագանին այսօրվա նիստում քննարկում է նախագիծ, որի համաձայն, մի շարք տուրքերի դրույքաչափերը բարձրացվելու են:
Մասնավորապես բարձրացվել է ոչ հիմնական շենք-շինությունների համար նախատեսված շինթույլտվության տրամադրման համար տեղական տուրքի դրույքաչափը: Մինչ 20 քռ/մ ընդհանուր մակերեսով շինությունների համար 2018 թվականին գործող 15 հազար դրամի փոխարեն սահմանվել է 21 հազար դրամ: 20 քռ/մ-ից ավել տարածք ունեցողների համար՝ նախկինում 25 հազարի փոխարեն՝ 35 հազար դրամ:

Փոփոխության է ենթարկվել նաև Երևանում հեղուկ վառելիքի, սեղմված բնական և հեղուկացված նավթային  գազերի վաճառքի  թույլտվության համար տուրքի դրույքաչափը. օրացույցային տարվա համար սահմանվել է 600 հազար դրամ՝ նախկին 350 հազարի փոխարեն:
Փոփոխության են ենթարկվել Երևանում առևտրի, հանրային սննդի, զվարճանքի, շահումով խաղերի, վիճակախաղերի  կազմակերպման օբյեկտիներին, խաղատների, բաղնիք-սաունաների ժամը 24:0-ից հետո աշխատելու համար տուրքերի դրույքաչափերը: Առևտրի օբյեկտների համար նախկին 87 հազարի փոխարեն կլինի 120 հազար դրամ, հանրային սննդի, զվարճանքի օբյեկտների համար 175 հազարի փոխարեն 250 հազար դրամ, բաղնիքների համար նախկին 875 հազար դրամի փոխարեն 1 միլիոն 400 հազար դրամ, խաղատների համար 1 միլիոն 750 հազարի փոխարեն 3 միլիոն, շահումով խաղերի համար 875 հազարի փոխարեն 1 միլիոն 500 հազար դրամ, վիճակախաղերի համար 262 հազարի փոխարեն 450 հազար դրամ:
Փոփոխության է ենթարկվելու նաև Երևանի զինանշանն ապրանքների արտադրության, ծառայությունների մատուցման ժամանակ օգտագործման թույլտվության համար տուրքի դրույքաչափը՝ 300 հազար, նախկին 200 հազարի փոխարեն:
Երևանում հրավառութան համար որպես տուրքի դրույքաչափ սահմանվել է 300 հազար դրամ:
Կան նաև փոփոխություններ, որոնք ուժի մեջ կմտնեն 2019 թվականի սեպտեմբերի 26-ից: Կարաոկեների, շոգեբաղնիքների, դիսկոտեկների, բաղնիքների, սաունաների համար՝ տարվա համար 150 հազար դրամ, հեշտապարային ակումբների համար տարեկան 1 միլիոն 500 հազար դրամ:

Քաղաքապետ Հայկ Մարությանի խոսքերով, հունվարին արտահերթ նիստ կհրավիրվի, որտեղ նախագիծ կներկայացվի, որի համաձայն տարեկան մինչև 58,3 միլիոն դրամ շրջանառություն ունեցողները կշարունակեն աշխատել այսօր գործող դրույքաչափերով:

Մեկնաբանություններ


Համընկնող լուրեր