10:19 - Ոստիկանին սպանողին առաջադրված մեղադրանքներով ընդհուպ մինչեւ ցմահ ազատազրակում է սպասվում.«Ժողովուրդ»         10:02 - Ես քաղաքական նման գործընթացի չեմ ցանկանում մասնակցել.բոլորին հանում են, անվանում հանցագործներ.«168 ժամ»      17:40 - Սերժի կոշիկները հագովդ չեն՝ ոտքերդ սեղմում են, էդ կոշիկներով երկար ճանապարհ չես գնա    

22 ապր 2019 15:20

Զինծառայողը պնդում է, որ սեռական ոտնձգության է ենթարկվել, ՊՆ-ում չեն հավատում.այդ ամենը էմոցիայի դաշտից են

Զինծառայողը պնդում է, որ սեռական ոտնձգության է ենթարկվել, ՊՆ-ում չեն հավատում.այդ ամենը էմոցիայի դաշտից են.2018 թվականի հունվարի 15-ին Մարտակերտի N զորամաս զորակոչված զինծառայողը նույն ամսվա ընթացքում ենթարկվել է սեքսուալ բնույթի բռնի գործողությունների և ծեծի, քրեական գործ է հարուցվել, սպան մեղադրանքը չի ընդունում։ Այս մասին նշված է «Լրագրողներ հանուն մարդու իրավունքների» ՀԿ-ի կայքում՝ «Սեռական բռնության ենթարկված զինծառայողները պետք է ընտրեն՝ շարունակեն ծառայությունը, թե ոչ» վերարտադրությամբ հրապարկման մեջ, որում նաև նշվում է, որ թե´ սպան, թե զինվորը շարունակում են ծառայել: Հոդվածում նաև նշվում է, որ պետությունը զինծառայողների առողջության, կյանքի իրավունքն ապահովելու, նրանց ծեծից, բռնաբարվելուց, նվաստացումներից զերծ պահելու իր պոզիտիվ պարտականությունը չի կատարել,ՊՆ-ն այս ամենը անհետևանք է թողել: 

Tert.am-ի հետ զրույցում պաշտպանության նախարարի մամուլի խոսնակ Արծրուն Հովհաննիսյանը նշեց, որ պետք է սպասել քրեական գործի հանգուցալուծմանը:
«Քրեական գործը նրա համար է, որ որոշվի՝ հանցանք եղել է, թե ոչ, երբ դատարանը կապացուցի, որ զինվորին իրոք բռնաբարել է սպան, այդ ժամանակ կխոսենք: Ես վստահում եմ մեր բժիշկներին, դատավորներին ու քննիչներին, հետևաբար թողեք գործն առաջ գնա: Ի՞նչ է, փաստաբանը, մայրը դատավո՞ր են, որոշել են բռնաբարություն է տեղի ունեցել: Մեր զինված ուժերի պատմության մեջ եթե որևէ դեպք եղել է, որ մի զինվորական մի զինվորականի բռնաբարել է, այդ զինվորականի հետ այնպիսի դատաստան է տեսել իր կոլեկտիվը: Ես չեմ հավատում, որ եղել է նման դեպք. ՀՀ-ում տղան տղայի նկատմամբ նման փորձ անի, ուղղակի ապրելու իմաստը կորցնում է, դա իմ անձնական դիրքորոշումն է, ես անմեղության կանխավարկածը չեմ խախտում»,-մանրամասնեց նա:
Արծրուն Հովհաննիսյանն ասաց, որ բռնաբարության մասին խոսակցությունները իր համար էմոցիայի դաշտից են:
Զինծառայողի պաշտպան Հայարփի Սարգսյանը Tert.am-ի հետ զրույցում նշեց, որ սեռական բռնությունն ապացուցող դատաբժշկական փորձաքննության արդյունքներ կան:
«Մի քիչ խճճված գործ է այն առումով, որ այս պահին նոր քրեական գործ է հարուցվել: Նախկինում հաղորդման հիման վրա էր գործ հարուցվել, որ նման բան տեղի է ունեցել, որից հետո գտնվել էր ռազմական ոստիկանությունում և ցուցմունք էր փոխվել և նրանից հետո սուտ մատնության հոդվածով գործը մտել էր դատարան, հիմա նոր քրեական գործ է հարուցվել, որովհետև վնասվածքներ են հայտնաբերվել՝ կողերի կոտրվածք և համընկնում է ժամանակահատվածը, այսինքն` իր նշված հանգամանքների ժամանակահատվածում հնարավոր էր այդ վնասվածքը ստանար: Այս դեպքում ինքը տուժող է: Այս մասով գործը նախաքննության փուլում է: Միայն զինծառայողի ու նրա մոր խոսքով չէ, որ հնարավոր է հաստատված համարել, որ բռնության է ենթարկվել, կան դատաբժշկական մի շարք փորձաքննության արդյունքներ: Փաստաբանը որոշող չէ, դատավճիռ չի կայացնում, բայց ես տեսնում եմ փաստեր»,-ընդգծեց նա:
Հայարփի Սարգսյանն ասաց, որ սպայի անմեղության կանխավարկածը չի խախտում, բայց դատաբժշկական փորձաքննության եզրակացությունները հենց սեռական ոտնձգության մասին են խոսում:
Փաստաբանը նշեց, որ զինծառայողն այժմ հոգեբանական խնդիրներ ունի, պարբերաբար հոգեբանի ծառայությունների կարիք է ունենում, և ինքը խնդիրը ներկայացրել է վարչապետ Նիկոլ Փաշինյանին, գլխավոր դատախազին, պաշտպանության նախարարին՝ առաջարկելով, որ իր վստահորդը դադարեցնի ծառայությունը:

Մեկնաբանություններ

Համընկնող լուրեր