Ինդոնեզիայում ընտրությունների ձայների հաշվարկի ժամանակ գերհոգնածությունից ավելի քան 54 մարդ է մահացել,32-ը՝ հոսպիտալացվել
Ինդոնեզիայի Կենտրոնական ընտրական հանձնաժողովի նախագահ Արիֆ Բուդիմանը հայտարարել է, որ երկրում համընդհանուր ընտրություններից հետո քվեների հաշվարկի ժամանակ գերհոգնածությունից և ուժասպառ լինելուց առնվազն 54 մարդ է մահացել, գրում է tempo.co-ն:Հանձնաժողովի նախագահը նաև հայտնել է, որ ընտրական հանձնաժողովների 32 անդամ հոսպիտալացվել է:
Հայտնի է, որ մահացածների ու հոսպիտալացվածների մեծ մասի աշխատանքային օրը սկսվել է վաղ առավոտյան՝ ժամը 05:00-ին, և ավարտվել մեկ օր հետո:
Հիշեցնենք, որ Ինդոնեզիայում համընդհանուր ընտրությունները տեղի էին ունեցել ապրիլի 17-ին: Ընտրություններին շուրջ 193 մլն քաղաքացի է մասնակցել:
