Նախկին բարձրաստիճան պաշտոնյան մորթել է որդուն՝ նրանից հանրությանը փրկելու համար
Ճապոնիայում նախկին բարձրաստիճան պաշտոնյան մորթել է 44-ամյա որդուն՝ երկյուղելով, որ նա կարող է վտանգավոր լինել հասարակության համար։ Ճապոնացուն այս քայլին դրդել է միջադեպը՝ կապված դպրոցականների վրա հարձակման հետ, ինչի հետեւանքով զոհվել է 2 դպրոցական աղջիկ, 17 հոգի վիրավորվել է։ Հարձակվողը, ինչպես եւ պաշտոնյայի որդին, ճգնավոր էր եւ ապրում եր մորաքրոջ եւ քեռու հետ, տեղեկացնում է AFP-ը։Միջադեպերը մատնանշում են, որ Ճապոնիայում ավելանում է «հիկիկոմորոյի» լեգեոնը՝ մարդիկ, ովքեր ապրում են տանը ծնողների հետ եւ հազվադեպ են փողոց դուրս գալիս։
Տոկիոյի ոստիկանությունը ձերբակալել է 76-ամյա Հիդեակի Կումաձավային սպանության փորձի համար։ Ավելի ուշ նրան ներկայացվել է սպանության մեղադրանք, քանի որ նրա որդին մահացել է։
NHK ազգային հեռուստաընկերությունը տեղեկացրել է, որ Կումաձավան՝ Չեխիայի Հանրապետությունում Ճապոնիայի նախկին դեսպանը, քննիչներին ասել է, որ տագնապը որդու պատճառով խորացել է վերոնշյալ միջադեպի պատճառով։
Կումաձավայի խոսքով՝ նրա որդին մենակյաց էր եւ երբեմն դաժանություն էր ցուցաբերում։ Նա որոշել է սպանել որդուն նրա հետ վեճից հետո, որը զայրացել էր հարեւան դպրոցում սպորտային միջոցառման ժամանակ բարձրացած աղմուկի պատճառով։
