17:34 - Նման ինտենսիվություն եղել է 2016 թ.ին. կարծես՝ Ադրբեջանը խոսքից պատրաստվում է անցնել գործի         17:15 - «Տականք սրիկաներ, Հայրիկյանի միջնորդությո՞ւնն եք անտեսում». Պարույր Հայրիկյան      16:57 - Այդ ի՞նչ իրավունքով եք հետևում, թե ով ում հետ է հանդիպում    

05 հուն 2019 13:32

Ինձ թվում է Տեփանոսյանի վրա կրակել են ՊՊԾ գնդի տարածքից. ոստիկանի ցուցմունքը

Ինձ թվում է ոստիկան Յուրի Տեփանոսյանի վրա կրակել են ՊՊԾ գնդի տարածքից,  200-300 մ հեռավորությունից։ Այս մասին այսօր՝ հունիսի 5–ին Երևանի ընդհանուր իրավասության դատարանի Շենգավիթի նստավայրում հայտարարեց «Սասնա ծռեր» խմբի 10 անդամների գործով վկա Համլետ Ղուկասյանը։
Նա  2016թ.  հուլիսյան իրադարձությունների ժամանակ աշխատել է ոստիկանության հատուկ միջոցների  կիրառման վաշտում։


Վկան պատմեց , որ 2016թ. հուլիսի 30–ին մարտական մեքենայով շարժվել են Խորենացի փողոցի ուղղությամբ, երբ կրակել են այն մեքենայի վրա, որում եղել է Յուրի Տեփանոսյանը։
«Տիգրան Մեծի խաչմերուկից շարժվեցինք Խորենացի փողոց , մեր դիմացը Կռան մեքենայով փակ էր, մի պահ կանգնեցինք, մեր հետևից գալիս էր  «Հունդայի»  մակնիշի մեքենան, որի մեջ էր Յուրի Տեփանոսյանը։ Այդ պահին 2-3 կրակոց լսվեց, մեքենայի միջից դուրս եկավ Մհեր Չիլինգարյանը, վազելով մոտեցավ՝ հարվածեց մեր մեքենայի դռանը , ասաց՝ արագ քշեք,  կրակում են։ Այդ պահին մեր մեքենայի վարորդը մեքենան մի փոքր կողքի քաշեց, «Հունդային» մեծ արագությամբ թեքվեց դեպի Կայարանի կողմ նկատեցինք որ «Հունդայի» մեքենայի հետևի ապակին ծակվել է,  իմացանք, որ Յուրին գլխի հատվածում ստացած կրակոցից մահացել է»,––ասաց նա և հավելեց.
«Ինձ թվում է կրակոցը ՊՊԾ գնդի կողմից էր, մեր կանգնած տեղից 200-300 մ հեռավարությունից»։
Վկան պատմեց, որ Տեփանոսյանին ճանաչել է 2014թ.–ից, միասին նույն զորամասում են ծառայել, ընկերական հարաբերություններ են ունեցել։
Ղուկասյանի խոսքով՝  Տեփանոսյանն  իր անմիջական հրամանատարի՝ Գուրգեն Գրիգորյանի հետ նորմալ հարաբերություններ է ունեցել։
Գործով ամբաստանյալ Պավել Մանուկյանը հետաքրքրվեց, թե որտեղի՞ց է իմացել, որ կրակոցը գնդի տարածքից է եղել,  վկան պատասխանեց,
«Ես հաստատ չգիտեմ գնդի տարածքից էր, թե՝ որտեղից»։
Հիշեցնենք, որ Յուրի Տեփանոսյանը սպանվել է ՊՊԾ գնդի գրավման 13-րդ օրը՝ հուլիսի 30-ին՝ ՊՊԾ գնդի տարածքիից դուրս՝ մեքենայի մեջ:  Ըստ մեղադրական եզրակացության՝ Յուրի Տեփանոսյանի սպանությունը կատարել է «Սասնա ծռեր» խմբի անդամ Սմբատ Բարսեղյանը` պարեկապահակետային գնդի հրամանատարի տեղակալ, ոստիկանության գնդապետ Արթուր Վանոյանի աշխատասենյակից հափշտակած «ՍԿՍ» տեսակի ակոսափող որսորդական հրազենով, մի քանի հարյուր մետր հեռավորությունից:

Մեկնաբանություններ

Համընկնող լուրեր