18:13 - Իրավապահները «ենթադրյալ կասկածանքով» գործարարին իջեցրել են ավտոմեքենայից.Բաց նամակ ՀՀ վարչապետ Նիկոլ Փաշինյանին         17:20 - Տեսանյութ. Տուժող կողմը շատ մեղք մարդիկ են, խեղճուկրակ,ժողովրդին խաբել են, սա է պրոբլեմը. Ռոբերտ Քոչարյանի պաշտպան      16:56 - Քաղաքական ապտակը ցավոտ է լինելու, խելքի արի, սա քեզ վերջին զգուշացումն է. Իշխան Սաղաթելյանը՝ Արայիկ Հարությունյանին    

25 հուլ 2019 13:02

Փարիզի Աստվածամոր տաճարը կարող է անոմալ շոգից փուլ գալ

Փարիզի Աստվածամոր տաճարը, որն այժմ գտնվում է վերականգնման փուլում, կարող է անոմալ շոգից փուլ գալ, հայտնում է Euronews-ը:


Նշվում է, որ տաճարի պատերում դեռևս պահպանվում է խոնավության բարձր մակարդակ, ինչը հրդեհաշիջման աշխատանքների ժամանակ մեծ քանակությամբ ջրի կիրառման հետևանք է: Անոմալ շոգի պատճառով ջուրը կարող է պատերի մեջ շատ արագ չորանալ, ինչը կնպաստի կոնստրուկցիայի փլուզմանը:
Այս պահին տաճարում վերականգնման ինտենսիվ աշխատանքներ են իրականացվում:
Հիշեցնենք, որ ապրիլի 15-ին Փարիզի Աստվածամոր տաճարում հրդեհ էր բռնկվել, ժամեր տևած հրդեհաշիջման աշխատանքների արդյունքում Փարիզի Աստվածամոր տաճարում բռնկված հրդեհը մարվել էր։ Հրդեհը լիովին ոչնչացրել էր տաճարի տանիքը, սրածայր գագաթն ու ժամացույցը։ Հրդեհի ժամանակ հասցրել են տաճարից դուրս բերել Փշե պսակը, որը խաչելությունից կարճ ժամանակ առաջ եղել է Հիսուսի գլխին։ Ապրիլի 16-ին սկսվել է դրամահավաք՝ տաճարի վերականգնման աշխատանքների համար։

Մեկնաբանություններ

Համընկնող լուրեր