Խաչատուրյան քույրերի հոգեկան շեղումները պատճառահետևանքային կապ ունեն հոր գործողությունների հետ.նոր փորձաքննության տվյալներ
Լրացուցիչ դատաբժշկական փորձաքննությունը՝ արված ՌԴ քննչական կոմիտեի կարգադրությամբ, ապացուցել է, որ Միխայիլ Խաչատուրյանի կողմից բռնության կիրառման հետևանքով ծանր վնաս է հասցվել նրա դուստրերի՝ Քրիստինայի, Անգելինայի ու Մարիայի առողջությանը: Տվյալները ֆեյսբուքյան էջում հրապարակել է քույրերի պաշտպաններից Ալեքսեյ Պարշինը: Քննիչներն այսօր Խաչատուրյան քույրերի փաստաբաններին ներկայացրել են փորձաքննության արդյունքները:Դատաբժիշկները հաստատել են նախապես արված ենթադրություններն այն մասին, որ Խաչատուրյան քույրերի մոտ հայտնաբերված հոգեկան շեղումները պատճառահետևանքային կապ ունեն Միխայիլ Խաչատուրյանի գործողությունների հետ: Բոլոր հետազոտված տվյալների հիման վրա պարզվել է՝ Քրիստինայի, Անգելինայի ու Մարիայի առողջությանը ծանր վնաս է հասցվել:
Խաչատուրյան քույրերի պաշտպանները կարծում են, որ լրացուցիչ փորձաքննության արդյունքները ևս մեկ անգամ ապացուցում են՝ աղջիկներն ինքնապաշտպանվելու կարիք են ունեցել: Փաստաբանները պնդում են՝ Խաչատուրյան քույրերի նկատմամբ հարուցված քրգործը պետք է կարճվի:
