17:00 - Կունենք կարճատեւ շոգեր՝+37․․․+38 աստիճանի         16:35 - Պետական կառույցները մեզնից գնում չեն անում, խոշոր խաղացողներ են մտել շուկա. գուցե դադարեցնենք մեր հայկական դիմակների արտադրությունը      16:15 - Սահմանին կրակոցների թիվն ավելացել է. ՊԲ    

01 նոյ 2019 10:00

Ալավերդու պղնձաձուլարանն էլ ռուսներին անցավ.«Իրատես»

«Իրատես» թերթը գրում է. «Ալավերդու պղնձաձուլական գործարանը, որը մոտ մեկ տարի չի աշխատում, աշխատակիցների մի մասին հարկադիր պարապուրդի է ուղարկել, մյուս մասին էլ ազատել աշխատանքից, ըստ մեր տեղեկությունների, անցել է ռուսական կողմին՝ «ՎՏԲ» բանկին:
Տարիներ առաջ Թեղուտի հանքավայրը շահագործելու համար բանկից ներգրավված վարկային միջոցների դիմաց ՎՏԲ-ն «Վալլեքս»-ից պահանջել է գրավադրել նաեւ պղնձաձուլարանը շահագործող «Էյ-Սի-Փի» ընկերության ակտիվներն ու բաժնետոմսերը: Այդ ժամանակ, սակայն, «Թեղուտ» ընկերությունը, որպես այդպիսին, գոյություն չի ունեցել, այսինքն՝ ձեռնարկությունը, հսկայական ֆաբրիկան եւ թանկարժեք սարքավորումները չեն եղել, հետեւաբար՝ նրա շուկայական գինը բոլորովին այլ էր, քան ՎՏԲ-ին անցնելուց հետո: Հիմա, երբ «Թեղուտ» ՓԲԸ-ն անցել է բանկին, Ալավերդու պղնձաձուլարանը, փաստորեն, նույնպես բանկի ձեռքում է հայտնվում:


Ստացվում է՝ քիչ չէ «Թեղուտ» ՓԲԸ-ն՝ իր ենթակառույցներով, արտադրական ֆաբրիկայով, արդեն իսկ ՎՏԲ-ինն է, բանկը մեկ-երկու ամիս առաջ վերցրել է նաեւ պղնձաձուլարանը:
«Որպես այդպիսին՝ նոր ՍՊԸ դեռեւս չի ձեւավորվել: Ճիշտ է, նոր տնօրեն ունի պղնձաձուլարանը՝ Կարեն Ղազարյանն է, բայց այն դեռ կազմակերպման փուլում է: «Էյ-Սի-ՓԻ»-ի հաշվեկշռում միայն ձուլարանը չէր, հետեւաբար ամբողջ տարածքն ու շինությունները չէ, որ բանկին են անցել: Բարեգործական ճաշարանը, մշակույթի տունն ու մի քանի այլ շինություններ շարունակում են «Վալլեքսի» հաշվեկշռում մնալ»,- ասաց «Իրատեսի» զրուցակիցը»:
Առավել մանրամասն՝ թերթի այսօրվա համարում

Մեկնաբանություններ

Համընկնող լուրեր