15:19 - Թուրքիան «Իսլամական պետության» ահաբեկիչներին արտաքսում է. այդ թվում են նաև ադրբեջանցիները         14:55 - Իրանում ուրանի պատճառով հիստերիա բարձրացնելը սխալ է. ՌԴ ԱԳՆ      14:33 - Տեսանյութ. Պապ թագավորը գալուբոյ է եղել... ընկել եք էդ սատանեքի հետեւի՞ց. ժամանակին իզուր է պարգևատրել    

02 նոյ 2019 11:20

Որպես կալանավոր իմ առաջին զբոսանքը երջանկացրեց ինձ.Ինձ զգացի Վան Գոգի «Կալանավորների զբոսանքը» կտավի հերոսի դերում

ՀՀ վարչապետ Նիկոլ Փաշինյանն իր ֆեյսբուքյան էջում գրում է.

«Կալանավորների զբոսանքը
Որպես կալանավոր իմ առաջին զբոսանքը երջանկացրեց ինձ, որովհետև «Երևան-Կենտրոն» ՔԿՀ-ի՝ կալանավորների զբոսանքի համար նախատեսված տարածք մուտք գործելուն պես՝ ինձ զգացի Վան Գոգի «Կալանավորների զբոսանքը» կտավի հերոսի դերում։

Այդ կտավը պատկերում է հենց այսպիսի մի բանտային տարածք, որտեղ 10-15 կալանավորներ, միակերպ զոլավոր հագուստով քայլում են իրար ետևից՝ շրջան կազմած։ Նրանցից միայն մեկի դեմքն է երևում, և դա հենց Վինսենթ վան Գոգի դեմքն է։
«Երևան Կենտրոն» ՔԿՀ զբոսանքի վայրում փորձում էի քայլել Վան Գոգի կտավի վրա պատկերված շրջագծով, հավատում էի, որ Վան Գոգը նաև ինձ է պատկերել իր գլուխգործոցի մեջ։

Ծոծրակիս զգում էի Վան Գոգի վրձնի ջերմությունը, պատկերացնում էի, թե ինչպես եմ դուրս գալիս նրա վրձնի տակից, տեսնում էի, թե ինչպես է նա ինձ նկարում իր զբոսնող կալանավորների շարքում։
Ես իսկապես երջանիկ էի, երջանիկ եմ, որ ամեն օր հնարավորություն ունեմ շրջագծով քայլել դժբախտ հանճարի գլուխգործոցի մեջ, երջանիկ եմ, որ մաս եմ գլուխգործոցի և ամեն օր մեկ ժամ ապրում եմ Վան Գոգի հետ՝ նույն շրջագծում։
«Բանտային օրագիր»
9 հուլիսի, 2009թ., «Երևան-Կենտրոն» ՔԿՀ»:

Մեկնաբանություններ

Համընկնող լուրեր