18:28 - Զինված տղամարդը վնասազերծված է. Տեսանյութ         17:16 - Տեսանյութ. Անվտանգության ծառայության հետ մենք որևէ առնչություն չունենք․ Սողոմոնյանը՝ «Էրեբունի պլազա»-ում Քոչարյանի գրասենյակի անվտանգության մասին      16:55 - Հունվարի 24-ին Հայացք մամուլի ակումբում կայանալիք ասուլիսներ    

05 դեկ 2019 11:34

Փաշինյանը պետք է զերծ մնա անցյալի իներցիայից.5-րդ շարասյունն օգտվում է սխալներից

Շուշիի առանձնակի գումարտակի հրամանատար, «Սասնա Ծռեր» համահայկական կուսակցության պատվավոր ներկայացուցիչ Ժիրայր Սեֆիլյանը ֆեյսբուքյան իր էջում գրել է. «Արայիկ Հարությունյանը պետք է լայնախոհ լիներ. գործող իշխանության ներկայացուցիչները շարունակում են սխալներ գործել՝ ջուր լցնելով 5-րդ շարասյան ջրաղացին:
Իսկ 5-րդ շարասյունը, որ նպատակասլաց կերպով առաջ է գնում դեպի հեղաշրջում, շատ վարպետորեն օգտվում է այդ սխալներից:
Երեկ ԿԳՄՍ նախարարության դիմաց տեղի ունեցածն ասվածի վառ ապացույցն է:
Նախարար Արայիկ Հարությունյանը, երիտասարդներին իր մոտ հրավիրելու և նրանց հետ խնդիրը քննարկելու փոխարեն իրեն պահեց որպես կարծրամիտ բյուրոկրատ՝ առիթ տալով տհաճ, վտանգավոր և անընդունելի զարգացումների:
Լայնախոհ լինելու պարագայում նա կարող էր վեր կանգնել կուսակցականությունից և իրենից պահանջներ ունեցող ցուցարարներին, որ մեր հայ երիտասարդներն ու քաղաքացիներն են, հրավիրել քննարկման և փարատել նրանց մտահոգությունները: Զուգահեռաբար, առիթն օգտագործելով, նախարարը կարող էր նրանց ցույց տալ, թե 5-րդ շարասյունն ինչպես է պատրաստվում հեղաշրջման և ինչպես է փորձում շահարկել զգայուն թեմաներն ու երիտասարդների ազնվությունը:
Իր հերթին՝ վարչապետ Նիկոլ Փաշինյանը պետք է վերջապես հաշվի առնի իրողություններն ու զերծ մնա անցյալի իներցիայից: Դիտարկվող պարագայում ոստիկանական ուժի կիրառումը բնավ անհրաժեշտ չէր: Առհասարակ՝ ոստիկանական ուժը պետք է կիրառվի խիստ հազվադեպ՝ ծայրահեղ անհրաժեշտության դեպքում: Պետք է նաև նկատի ունենալ, որ ոստիկանությունը չի մաքրվել իր արատավոր անցյալից և նրա միայն երևալն արդեն ծանր հիշողություններ ու համընդհանուր հակակրանք է առաջացնում»:


Մեկնաբանություններ

Համընկնող լուրեր