ՌԴ-ն կպատասխանի ամերիկյան պատժամիջոցներին. Լավրով
Մոսկվան կպատասխանի Վաշինգտոնի պատժամիջոցներին, սակայն այնպես, որ իրեն վնաս չհասցնի: Ինչպես հայտնում է ТАСС գործակալությունը, նման հայտարարությամբ հանդես է եկել ՌԴ ԱԳ նախարար Սերգեյ Լավրովը` ՌԴ Առաջին ալիքի եթերում:«Մենք կպատասխանենք պատժամիջոցներին, սակայն այնպես, որպեսզի ինքներս մեզ վնաս չհասցնենք: Սակայն հաստատ պատասխանելու ենք: Եվ իհարկե, մենք դա հաշվի կառնենք հարաբերությունները կառուցելիս»,- ասել է նախարարը:
Դիվանագետի խոսքով՝ ինքը երբեք չի մտածել, որ ամերիկացի պաշտոնյաներն այնպիսի որոշումներ կկայացնեն, որոնք «պատիվ չեն բերում լուրջ քաղաքական գործիչներին»:
ԱՄՆ Սենատը երեքշաբթի օրինագիծ է ընդունել 2020 ֆինանսական տարվա պաշտպանական բյուջեի մասին, որը պարտավորեցնում է վարչակազմին պատժամիջոցներ սահմանել ռուսական «Հյուսիսային հոսք-2» գազատարի նկատմամբ:
