Նոր հոդվածը՝ «Զինծառայողին ինքնասպանության հասցնելը», 2-րդ ընթերցմամբ ընդունվեց հանձնաժողովում.պատժաչափերը կխստացվեն
ԱԺ պետաիրավական հարցերի հանձնաժողովը երկրորդ ընթերցմամբ ընդունել է Քրեական օրենսգրքում լրացումներ կատարելու մասին «Բարգավաճ Հայաստան» խմբակցության պատգամավորների առաջարկությունը:Նախագծով Նաիրա Զոհրաբյանն առաջարկում էր Քրեական օրենսգրքում նոր հոդված սահմանել՝ «Զինծառայողին ինքնասպանության հասցնելը»:
Այժմ Քրեական օրենսգրքում առկա 110 հոդվածը վերաբերում է ընդհանրապես ինքնասպանության հասցնելուն` սահմանելով երեքից հինգ տարվա ազատազրկում:
Առաջարկվող փոփոխությամբ կտարանջատվի զինծառայողին ինքնասպանության հասցնելու հանցագործությունը, իսկ պատժաչափերն էլ կխստացվեն:
