16:50 - Վրաստանը կորոնավիրուսի պատճառով անցնում է համաճարակային պատրաստվածության         16:35 - ԶՈՒ հատուկ նշանակության դեսանտագրոհային խումբը համալրվել է առաջին կին զինծառայողներով      16:15 - Որտեղի՞ց է վերցված «Այո»-ի 3 մլն դրամանոց շտաբի հաղթած լոգոն    

07 փետ 2020 18:24

Տեսանյութ.Այս թնջուկը լուծելու գործում ամենաակտիվ դերակատարը պետք է լիներ հանրապետության նախագահը

Տեսանյութ.Այս թնջուկը լուծելու գործում ամենաակտիվ դերակատարը պետք է լիներ հանրապետության նախագահըՀայացք մամուլի ակումբում ԵՊՀ սահմանադրական իրավունքի ամբիոնի վարիչ Վարդան Այվազյանը խոսեց ստեղծված սահմանադրական խորը ճգնաժամի և դրանից դուրս գալու օրինական ելքերի մասին:
 
«Հայաստանում ստեղծվել է շատ խորը սահմանադրական ճգնաժամ, որն իր հերթին՝ հանգեցրել է քաղաքական ճգնաժամի: Ճգնաժամի պատճառը, նախկինում գործող Սահմանադրության «նենգափոխումն» է, իսկ այսօրվա գործող իշխանության ներկայացուցիչների մոտ էլ նկատվում է սեփական գործառնական առաքելության չգիտակցում և պետականության վերաբերյալ գիտելիքների պակաս, ինչի արդյունքում ճգնաժամն էլ ավելի է խորանում: Խնդիրը պետք է միանշանակ լուծվի, բայց այդ լուծումը պետք է սահմանադրական կարգավորումներով արվի, հակառակ դեպքում դառնում է խոցելի»,-նշեց Վարդան Այվազյանը, հավելելով, որ եթե խոսում ենք պետականության մասին, ապա հակամարտությունը, կոնֆլիկտը պետք է լինի պետական ինստիտուտների միջև, իսկ մեր երկրում հակամարտության լուծումը ինստիտուցիոնալ մակարդակից վերածվում է միջանձնային հակամարտության:
 
Վարդան Այվազյանը նկատեց, որ նախկինում թույլ տրված սխալներից այսօր դասեր չենք քաղում. «Հաջորդ իշխանության օրոք սահմանադրական կարգի տապալման հատկանիշներով կարող է քրեական գործ լինել ՍԴ անդամների լիազորությունների կասեցման գործընթացի վերաբերյալ: Պատմական սխալներից դասեր չքաղելով՝ նույն հետևանքները կարելի է կանխագուշակել նաև այսօրվա իշխանության համար, բայց դեռ ժամանակ կա և կարող են շտկել, ամեն ինչ բերել պետականության տրամաբանության մեջ»,-ասաց Վարդան Այվազյանը։

Վարդան Այվազյանը նաև նշեց, որ Հանրաքվեն ժողովրդի կամարտահայտության միջոց է, ոչ թե պոլիտտեխնոլոգիաներով անցկացվող գործընթաց. «Որպեսզի ժողովուրդը կարողանա հստակ արտահայտել իր կամքը, և որպեսզի այդ կամարտահայտությունը լինի լեգիտիմ, իշխանությունը պետք է բոլոր ջանքերը ներդնի հանրաքվեի անցկացման համար հասարակության մեջ ապահովելու ներդաշնակության ու հանդուրժողականության մթնոլորտ: Բոլորդ էլ տեսնում եք, թե մեզ մոտ ինչ լարված և ատելության մթնոլորտ ունենք, և ատելության մթնոլորտի պարագայում, երբ մենք նախաձեռնում ենք հանրաքվեի գործընթաց, հանրաքվեն չի կարող իրական կերպով արտահայտել ժողովրդի կամքը: Մյուս կողմից, եթե հանրաքվե իրականացնելու հարց դրվի, ապա պետք է ձևավորվեն հանրաքվեի կողմ և դեմ քարոզչական կառույցներ: Ինչն էլ հնարավորություն կտա այսօրվա իշխանություններին մերժող քաղաքական ուժերին համախմբվել և իրենց գործունեությունը բերել պաշտոնական քարոզչության հարթակ»,-նշեց Վարդան Այվազյանը:

Ստեղծված իրավիճակում անդրադառնալով ՀՀ նախագահի գործառույթին Վարդան Այվազյանը նշեց. «Մեր Սահմանադրության մեջ գրված է՝ Հանրապետության նախագահը հետևում է Սահմանադրության պահպանմանը: Այստեղ այս թնջուկը լուծելու գործում ամենաառաջին և ակտիվ դերակատարը պետք է լիներ հանրապետության նախագահը, ինչը մենք տեսնում ենք, որ բացարձակապես չկա: Եթե նախագահը ոչ մի քայլ չձեռնարկի, ապա խնդրի լուծման համար վարչապետը և ԱԺ-ն պետք է դիմեն նախագահին, որ նա խնդրի լուծման համար միջոցներ ձեռնարկի, օրինակ, հրավիրեր կոնֆլիկտի կողմերին և ուղիղ եթերով քննարկման ժամանակ կողմերին հնարավորություն տար ներկայացնել իրենց դիրքորոշումները»:
Ամբողջական ասուլիսը՝ Hayacq.com-ի տեսանյութում

Մեկնաբանություններ

Համընկնող լուրեր