17:02 - Կենտրոնական բանկում դոլարի և եվրոյի փոխարժեքները տատանվում են         16:25 - Կորոնավիրուսով վարակված կնոջ շփման շրջանակը պարզվում է. Քաշաթաղի շրջանի ղեկավարը՝ վարակմած դեպքի մասին      16:04 - Թրամփին դեռևս հունվարին էին գզուշացրել, որ համավարակը կարող է սպառնալ միլիոնավոր ամերիկացիների. The New York Times    

23 մար 2020 11:55

Իտալիայում կորոնավիրուսից մահացության բարձր ցուցանիշի ևս մեկ պատճառ

Իտալիայում կորոնավիրուսով վարակի բարձր մահացության պատճառը, բացի երկրի ժողովրդագրական առանձնահատկություններից, սխալ թեստավորման համակարգն է․ թեստավորում անցնում են միայն վառ արտահայտված ախտանիշներով հիվանդները, գրում է իտալական Corriere della Sera թերթը:
Հրապարակման համաձայն, պաշտոնական թվերը չեն արտացոլում վարակակիրների իրական տվյալները, քանի որ համավարակի բռնկման հետ կապված՝ Իտալիան փոխել է իր թեստավորման ռազմավարությունը: Վարակման առաջին դեպքերից սկսած, փետրվարի 21-ից հետո, երբ հիվանդության լոկալ բռնկում էր հայտնաբերվել Լոմբարդիայի շրջանի Կոդոնյո փոքրիկ քաղաքում, թեստեր էին արվում բոլոր նրանց, ում հետ շփվել էին վարակված անձինք:

     Վարակակիրների թվի աճի հետ միասին, ինչպես նաև պաշտպանիչ նյութերի և անձնակազմի անբավարարության պատճառով, որոշում կայացվեց թեստավորել միայն կորոնավիրուսի համար ակնհայտ և ծանր ախտանիշներ ունեցող մարդկանց։

     Իտալիան կորոնավիրուսից առավել տուժած երկրներից մեկն է: Երկրում կա արդեն ավելի քան 59 հազար վարակակիր և այս պահին մահացության ցուցանիշը ամենաբարձրն է (մոտ 10 տոկոս):


Մեկնաբանություններ

Համընկնող լուրեր