17:00 - Մահացել է ԱԺ նախկին նախագահ Արմեն Խաչատրյանը         16:44 - Տիգրան Ավինյանը նոր որոշում է կայացրել.կորոնավիրուսի տարածման դեպքերը շարունակում են ավելանալ Գեղարքունիքի մարզում      16:17 - Որտե՞ղ է ընկել արտասովոր երկնաքարը․ Արտասովոր երեւույթին Կոտայքի մարզի բնակիչներն ականատես էին եղել    

07 մայիս 2020 12:59

Իտալացի գիտնականները ստեղծել են աշխարհում առաջին պատվաստանյութը, որը կարող է կորոնավիրուսը չեզոքացնել

Իտալացի գիտնականները ստեղծել են աշխարհում առաջին պատվաստանյութը, որը կարող է չեզոքացնել COVID-19 հիվանդություն առաջացնող նոր կորոնավիրուսը:


Ինչպես հայտնում է The Daily Mail-ը, Takis Biotech-ի մասնագետները պատվաստում են կատարել մկներին եւ նրանցից հակամարմիններ վերցրել՝ արյան պլազմայի սպիտակուցներ, որոնք արտադրվում են որպես վիրուսին պատասխան: Պարզվել է, որ այդ հակամարմինները կարող են լաբորատոր պայմաններում մարդու բջիջներում վիրուսը ոչնչացնել. դրանք հաջողությամբ կանխել են SARS-CoV-2-ի միավորումը մարդու բջիջների հետ եւ հետագա վարակումը:


Պատվաստանյութը մշակողներն արդեն աշնանը նախատեսում են սկսել մարդկանց վրա դրա թեստավորումը:


«Որքանով մեզ հայտնի է, մենք աշխարհում առաջինն ենք ցուցադրել պատվաստանյութով կորոնավիրուսի չեզոքացումը»,- նշված է գիտնականների հաղորդագրության մեջ:


Ներկայումս փորձարկված պատվաստանյութը համարվում է Իտալիայում բոլոր ստեղծվածներից ամենահեռանկարայինը:


Մեծ Բրիտանիայի առողջապահության նախարար Մեթյու Հենքոկը, սակայն, նշել է, թե ոչ մի երաշխիք չկա, որ նոր կորոնավիրուսի համար հակադոտը երբեւէ կգտնվի: Նրա կարծիքով՝ լավատեսության պատճառներ առայժմ նույնպես չկան:

Մեկնաբանություններ

Համընկնող լուրեր