17:00 - Հոգեբուժական ծառայություններ մատուցող կազմակերպություններ դիմողների աճ կա         16:30 - Հիդրօքսիքլորոքվինի կիրառումը նաև Հայաստանում      16:00 - Դոլարն ու եվրոն շարունակում են թանկանալ    

09 մայիս 2020 13:52

Ավազակային հարձակում է եղել, ծեծկռտուքին մասնակցել են Քոքոբելյանի որդին, եղբայրը եւ եղբորորդին

Տավուշի մարզի Աչաջուր համայնքում ավազակային հարձակում է տեղի ունեցել ԱԺ նախկին պատգամավոր Խաչատուր Քոքոբելյանի որդուն  պատկանող ջերմոցային տնտեսության վրա, որի հետեւանքով մարմնական վնասվածքներ են ստացել Խաչատուր Քոքոբելյանի որդին, եղբայրը եղբորորդին: Այս մասին NEWS.am-ին հայտնեց «Ազատ դեմոկրատներ» կուսակցության փոխնախագահ Անժելա Խաչատրյանը։


«Տավուշի մարզի Աչաջուր համայնքում գտնվող ջերմոցային տնտեսության պահակի վրա եղել է ավազակային հարձակում, եւ ահազանգ է արվել Քոքոբելյաններին, նրանք եկել են, դրանից հետո տեղի է ունեցել ծեծկռտուք, մնացած մանրամասներ չեմ կարող հաղորդել, որովհետեւ հիմա քնում է քննություն: Ոստիկանությունը այժմ զբաղված է հանգամանքները պարզելով եւ մեղավորներին գտնելով»,-ասաց նա:


Նա նշեց, որ դեռ չեն հայտնաբերել հարձակվողներին:


Հիշեցնենք, որ ավելի վաղ հայտնի էր դարձել, որ մայիսի 8-ին ժամը 19։30-ի սահմաններում ոստիկանության Իջևանի բաժին ահազանգ է ստացվել, որ Աչաջուր գյուղի «Քոքոբելյաններ» կոչվող ջերմոցի դիմաց վիճաբանություն, ծեծկռտուք է տեղի ունեցել,որի ժամանակ հնչել են կրակոցներ։


Ինչպես հայտնում է ֆոտոլրագրող Գագիկ Շամշյանը, դեպքի մեկնած ոստիկանները պարզել են, որ ՀՀ ՊՆ ծառայող Սայադ Նազարյանը, ում հետ եղել են նաև 3 ՀՀ ՊՆ ծառայողներ, Իջևանի բնակիչ՝ 43-ամյա Էդմոնդ Էդիլյանի հետ ծեծի են ենթարկել Աչաջուր գյուղի բնակիչներ՝ 49-ամյա Վաչիկ Քոքոբելյանին, 29-ամյա Սևադա Քոքոբելյանին և 19-ամյա Յուրի Քոքոբելյանին, ովքեր ստացել են մարմնական վնասվածքներ։


Գ. Շամշյանի տեղեկություններով՝ ծեծկռտուքի ժամանակ հնչել են նաև կրակոցներ, որից հետո Քոքոբելյաններին ծեծի ենթարկողները դիմել են փախուստի։


Մեկնաբանություններ

Համընկնող լուրեր