Եթե մենք այս քայլը անենք, իսկ նրանք ընդառաջ քայլ չանեն, մենք մտնում ենք տուպիկ..Խոսքը հայկական գյուղերի մասին չէ          Իրենց վերապահված պարտավորությունները փորձում են քողարկել պատերազմական շանտաժի ներքո. Ինչպես Սյունիքում «ճշգրտումներից» հետո ՀՀ-Ն բան չստացավ, նույնը լինելու է Տավուշի դեպքում       VTB բանկի քարտապաններն այլևս չեն կարող օգտվել կենսաթոշակների հետվճարի համակարգից    

12 օգոս 2020 18:03

Տեսանյութ «Իմ քայլի» պատգամավոր Ռուստամ Բաքոյանը խոչընդոտել է սփյուռքաhայ ներդրողին, հրահրել անկարգություններ

Տեսանյութ «Իմ քայլի» պատգամավոր Ռուստամ Բաքոյանը խոչընդոտել է սփյուռքաhայ  ներդրողին, հրահրել անկարգություններ«Հայացք» մամուլի ակումբում սփյուռքաhայ ներդրող Արա ՏագԷսյանը և փաստաբան Տիգրան Հայրապետյանը խոսեցին «Իմ քայլը» խմբակցության պատգամավորի կողմից սփյուռքահայ ներդրողի գործունեությունը խոչընդոտելու, ինչպես նաև հարուցված քրեական գործի մասին:
 
Լիբանանահայ գործարար Արա Տագէսյանը երկու տարի առաջ՝ 2018թ, որոշել է նաև  Հայաստանում իր բիզնեսը սկսել, զբաղվել գյուղատնտեսությամբ, և 200 հա հողատարածք է գնել Արմավիրի մարզի Ֆերիկ համայնքում, սակայն հանդիպել է խոչընդոտների, որոնք անսպասելի են եղել. «ԱԺ «Իմ քայլը» խմբակցության պատգամավոր Ռուստամ Բաքոյանը հրահրել է անկարգություններ, խոչընդոտել սփյուռքահայ ներդրողի գործունեությանը։ Մասնավորապես՝ կազմակերպել, հրահրել է զանգվածային անկարգություններ, ինչի վերաբերյալ հանցագործության մասին հաղորդում է ներկայացվել և օրեր առաջ դատարանը բավարարեց բողոքը»,-նշեց Տիգրան Հայրապետյանը, հավելելով, որ թեև մինչ այդ քրեական գործ է հարուցվել, սակայն վարույթն իրականացնող մարմինը ոչինչ չէր ձեռնարկում, իսկ դատարանը գտավ, որ պատգամավորի կողմից խախտվել են Տագէսյանի իրավունքները։
 
Արա Տագէսյանն էլ նշեց, որ միշտ ցանկացել են Հայաստանի հետ լավ կապեր ունենալ և վեց տարի առաջ, երբ Հայաստան էին եկել, որոշել էին Հայաստանում բնակարան ձեռք բերել. «ՀՀ-ում բիզնեսով զբաղվելու ցանկությունն առաջացել է հեղափոխությունից հետո, քանի որ մինչ այդ կարծում էինք, որ Հայաստանում գործ դնելը դժվար է։ Բայց հեղափոխությունից հետո՝ խանդավառված մտափոխվել ենք և հողատարածք գնել ու փաստաբանի օգնությամբ պարզել, որ ամեն ինչ կարգին է, խանգարող ոչինչ չկա։ Սակայն, դեռ չհասցնելով նույնիսկ հողը վարել, գյուղացիները համախմբվեցին և փորձեցին մեզ վռնդել այդ տարածքից։ Հայաստանյան տերմինաբանությամբ՝ այնտեղից մեզ լարեցին, չթողեցին, որ ինչ-որ աշխատանք կատարենք։ Այսինքն՝ մենք փորձեցինք ներդրում անել, բայց գրեթե  երկու տարի է ոչնչի վրա ժամանակ ենք վատնել»,- պատմեց Արա Տագէսյանը։
 
Տիգրան Հայրապետյանն էլ հավելեց, որ գյուղացիների դժգոհությունը եղել է այն, որ այդ տարածքը ժամանակին եղել է արոտավայրեր և ցանկանում են, որ հիմա էլ դրա համար ծառայի. «Պարոն Տագէսյանն ասել է, որ իր կողմից 50 հա տալիս է համայնքին։ Անգամ ասել է, որ միանգամից 200 հա վրա չի սկսի աշխատել, քիչ-քիչ կսկսեմ, և խոստացել է, որ համայնքում աշխատատեղեր կստեղծի։ Ինչ-որ մեկը հրահրեց գյուղացիներին և գյուղացիները չհամաձայնեցին»,- ասաց Տիգրան Հայրապետյանը՝ նշելով, որ խոսքը ԱԺ իշխանական պատգամավոր Ռուստամ Բաքոյանի մասին է։


Մեկնաբանություններ


Համընկնող լուրեր