Կբացվեն Թուրքիայի նավահանգիստները, միգուցե նաև բացվի Ադրբեջանի շուկան մեզ համար, և մեր շուկան՝ Ադրբեջանի համար. էկոնոմիկայի նորանշանակ նախարար          Ազերները զինված զրահատեխնիկայով Զանգելանից ու Կուբաթլուից մոտենալու են. Զինտեխնիկան ինչի՞ առաջնագծում տեղակայված չի       ՀՔԾ պետ Խաչատրյանը կպատմի, թե ինչպես էր Փաշինյանը ստիպել իրեն նպաստել բանակի թուլացմանը, թե ինչ աճպարարությունների է գնացել    

28 սեպ 2020 12:42

Հաղորդակցությունը Նախիջևանի հետ դադարեցվել է. Բաքվի օդանավակայանն անցնում է աշխատանքի սահմանափակ ռեժիմի

Ադրբեջանը դադարեցրել է Նախիջևանի ինքնավարության հետ ավիահաղորդակցությունը։ Տեղեկությունն այսօր հաղորդել են այդ երկրի ԶԼՄ-ները:


Նշվում է, որ Ադրբեջանի տարածքում ռազմական դրության պատճառով Հեյդար Ալիևի անվան Բաքվի օդանավակայանը ժամանակավորապես անցնում է աշխատանքի սահմանափակ ռեժիմի:


Այդ շրջանակում դադարեցվել են «Ադրբեջանական ավիաուղիների» մինչև սեպտեմբերի 30-ը ներառյալ նախատեսված Բաքու-Նախիջևան-Բաքու ուղղությամբ չվերթերը։


Չեղյալ են հայտարարվել նաև Բաքու-Լոնդոն-Բաքու և Բաքու-Բեռլին-Բաքու չվերթերը, որոնք նախատեսված են հոկտեմբերի 1-ին և հոկտեմբերի 2-ին:


Իր հերթին Fly Dubai ավիաընկերությունը չեղյալ է հայտարարել Դուբայ-Բաքու-Դուբայ չվերթերը, որոնք նախատեսված են սեպտեմբերի 29-ին, հոկտեմբերի 1-ին և 3 - ին, «Աէրոֆլոտ» ավիաընկերության Մոսկվա-Բաքու-Մոսկվա չվերթները` հոկտեմբերի 1 - ին և 4-ին, «Բելավիա» ավիաընկերության հոկտեմբերի 2-ին և 4-ին նախատեսված Մինսկ-Բաքու-Մինսկ չվերթերը:


Հիշեցնենք, սեպտեմբերի 27-ին ՀՀ կառավարության որոշմամբ, Հայաստանի ողջ տարածքում հայտարարվել է ռազմական դրություն` պայմանավորված Արցախում ու Հայստանի սահմանների նկատմամբ Ադրբեջանի ձեռնարկած հարձակումներով։


Սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:


Ըստ վերջին տեղեկությունների` ադրբեջանական զինուժը կորցրել է 5 ուղղաթիռ, 27 անօդաչու թռչող սարք, 33 տանկ և ՀՄՄ, 2 ինժեներական զրահատեխնիկա։


Հակառակորդի կրակոցների հետևանքով զոհվել են 31 զինծառայողներ և 2 քաղաքացիական անձինք։ Հայկական կողմը 100–ից ավելի վիրավոր ունի։ Հակառակորդի կորուստներն անհամեմատ մեծ են։ Արցախում և Հայաստանում ռազմական դրություն և համատարած զորահավաք է հայտարարվել։

Մեկնաբանություններ

Համընկնող լուրեր