Հատկապես վտանգավոր է Սյունիքը.Շուտով ՀՀ հետ Ադրբեջանի նոր 500 կիլոմետրանոց սահմանում բազմաթիվ նմանատիպ խնդիրներ ենք ունենալու          Ռուս խաղաղապահները չեն կարող արգելել ադրբեջանցիներին մտնել այս կամ այն տարածք. իսկ ի՞նչ առաքելությամբ են եկել. «Ժողովուրդ»       Ռուսական լրատվականների տվյալներով՝ Կարմիր խաչում 150 հայ գերիների մասին տվյալներ կան. «Հրապարակ»    

15 հոկ 2020 15:29

Ռուսաստանում ահաբեկչություն է կանխվել.իսլամիստները պլանավորել էին պայթեցնել իշխանության մարմինների շենքերը, զինվորականների հանրակացարանը

Ռուսաստանում  ահաբեկչություն է կանխվել.իսլամիստները պլանավորել էին պայթեցնել իշխանության մարմինների շենքերը, զինվորականների հանրակացարանըՌուսաստանի Վոլգոգրադ քաղաքում «Քաթիբա Թաուհիդ վալ-Ջիհադ» խմբավորման միավորների կողմից նախատեսված ահաբեկչական գործողություններ են կանխվել։ «Ռիա Նովոստի» գործակալության փոխանցմամբ, այդ մասին հայտարարել է Ռուսաստանի անվտանգության դաշնային ծառայությունը։

Դրա անդամները Կենտրոնական Ասիայի տարածաշրջանից են, նախատեսել էին քաղաքում ահաբեկչություն իրականացնել։

«Խմբի պարագլուխը և նրա հանցակիցը ձերբակալվելիս զինված դիմադրություն են ցույց տվել Դաշնային անվտանգության ծառայության աշխատակիցներին, ինչի հետևանքով վնասազերծվել են»,-աղբյուրին հայտնել են ծառայությունից։

Խուզարկության ընթացքում հայտնաբերվել են զենքեր, քիմիական բաղադրիչներ, ինքնաշեն պայթուցիկ սարքեր, ինչպես նաև կրոնական գրականություն ու քարտեզ, որտեղ նշված են այն տեղերը, որոնք պետք է հարձակման թիրախ դառնային։

Ահաբեկչության նախապատրաստման համակարգումն իրականացվել է Սիրիայից, իսլամիստները պլանավորել էին պայթեցնել իշխանության մարմինների շենքերը, զինվորականների հանրակացարանը, վտանգավոր արտադրություն, ինչպես նաև Մայր Հայրենիքի արձանը։

Ձերբակալություններ են իրականացվել նաև Մոսկվայում, Սանկտ-Պետերբուրգում, Ուֆայում և այլուր։

Աղբյուրը հիշեցնում է, որ Անվտանգության դաշնային ծառայության տնօրեն Ալեքսանդր Բորտնիկովը այս տարվա հունիսին հայտարարել էր, որ վերջին տասը տարիների ընթացքում Ռուսաստանում կանխել են մոտ 160 ահաբեկչություն, որից 43-ը՝ 2019-ին, ավելի քան 20-ը՝ ընթացիկ տարում։

Մեկնաբանություններ

Համընկնող լուրեր