Տեսանյութ.Խավարման կարգ` ի հիշատակ Քրիստոսի մատնության և չարչարանքների          Մարտի 29-ին կդադարեցվի հետևյալ հասցեների ջրամատակարարումը       Տեսանյութ.Ավագ Հինգշաբթի՝ Սուրբ Հաղորդության խորհրդի հաստատում, Խորհրդավոր ընթրիք    

11 նոյ 2020 14:52

Ղարաբաղում ռուս խաղաղապահները կապ են հաստատել Հայաստանի եւ Ադրբեջանի Գլխավոր շտաբերի հետ

Լեռնային Ղարաբաղի հակամարտության գոտում տեղակայված ռուս խաղաղապահներն ուղիղ կապ են հաստատել Հայաստանի եւ Ադրբեջանի Գլխավոր շտաբերի հետ՝ միջադեպերի կանխման եւ խաղաղապահների անվտանգության ապահովման համար: Այս մասին հայտնել է ՌԴ Զինված ուժերի Գլխավոր շտաբի գլխավոր օպերատիվ վարչության պետ Սերգեյ Ռուդսկոյը, հաղորդում է «ՌԻԱ Նովոստի»-ն:

«Խաղաղապահ խնդիրների լուծման, հնարավոր միջադեպերի կանխման եւ ռուս զինծառայողների անվտանգության ապահովման համար կազմակերպվել է շարունակական փոխգործակցություն Հայաստանի եւ Ադրբեջանի Զինված ուժերի Գլխավոր շտաբերի հետ: Հաստատվել է ուղիղ կապ»,-ասել է Ռուդսկոյը ճեպազրույցի ժամանակ:

«Հայկական եւ ադրբեջանական կողմերի հետ համատեղ կազմակերպվել է խաղաղապահ օպերացիաների պարամետրերի հստակեցման հարցով աշխատանք»,-նշել է նա:

Նրա խոսքով՝ ՌԴ ԶՈւ ԳՇ-ում «մարտական կառավարման խումբ է տեղակայվել, որը մոնիթորինգ է իրականացնում շուրջօրյա ռեժիմով»:

«ԳՇ-ի կողմից ծրագրվել են անհրաժեշտ բոլոր միջոցները ռուս զինծառայողների անվտանգությունն ապահովելու համար: Խաղաղապահ կոնտինգենտի անձնակազմը հասկանում է իր առջեւ դրված խնդիրների ողջ պատասխանատվությունն ու պատրաստ է դրանք կատարել ձեռքբերված համաձայնություններին համապատասխան»,-ասել է Ռուդսկոյը: 

Մեկնաբանություններ


Համընկնող լուրեր