ՀՐԱՏԱՊ․ Եթե ՀՀ կառավարությունը ձախողի գյուղմթերքի արտահանումը, ապա չի կարողանալու ապահովել 2022 թվականի համար տնտեսական աճի ցուցանիշը          ՆԱՏՕ-ն ուկրաինացիների ձեռքերով կռվում է Ռուսաստանի դեմ. Մատվիենկո       Ամեն ինչ շատ ավելի բարդ ու ռիսկային . թաքնվել ենք տներում ու ռեստորաններում ու ձևացնում ենք, թե ամեն ինչ նորմալ է    

19 մար 2021 12:10

Սա ի՞նչ է, եթե ոչ Արցախում էթնիկ զտումների ու ցեղասպանության քաղաքականության մասին ապացույց. Թաթոյանը` Ալիևի «գյուտի» մասին

Հադրութի Ծակուռի գյուղի Սուրբ Աստվածածին հայկական եկեղեցում Ադրբեջանի նախագահ Իլհամ Ալիևի հայտարարությունները, թե եկեղեցու պատերին հայկական գրությունները կեղծ են, ատելություն է բարձրագույն իշխանության մակարդակով, էթնիկ և կրոնական հիմքով։ Facebook–ի իր էջում նման գրառում է արել ՀՀ մարդու իրավունքների պաշտպան Արման Թաթոյանը` անդրադառնալով Ալիևի հայտարարություններին։
Ալիևը Հադրութ այցի ժամանակ մտել էր Հադրութի Սուրբ Աստվածածին հայկական եկեղեցի ու ասել, թե այն ալբանական է։ Նրա խոսքով` հայերը փորձել են այս եկեղեցին ևս հայկականացնել, այստեղ հայերենով գրություններ են գրել, բայց դա նրանց չի հաջողվել: Ալիևը հանձնարարաել է ջնջել այդ գրությունները։

«Սա ի՞նչ է, եթե ոչ Արցախում էթնիկ զտումների ու ցեղասպանության քաղաքականության մասին ապացույց, սա ի՞նչ է, եթե ոչ ֆաշիստական վերաբերմունք: Ծակուռիի 12-րդ դարի Սուրբ Աստվածածին եկեղեցին գյուղի նախկին վանական համալիր Ծաղկավանքն է, որից պահպանվել է Սուրբ Աստվածածին եկեղեցին։ Ըստ խաչքարերի՝ այն 1198 թվականին է կառուցվել. եկեղեցին Արցախի միջնադարյան ճարտարապետական ու մշակույթի գլուխգործոցն է»,–գրել է Թաթոյանը։

Նա հիշեցրել է, որ մի քանի օր առաջ նաև հաստատվեց, որ ավերվել է ադրբեջանական վերահսկողության ներքո գտնվող Շուշի քաղաքում գտնվող Սուրբ Հովհաննես Մկրտիչ եկեղեցին, որ ժողովրդին հայտնի է Կանաչ ժամ անվանմամբ։ Թաթոյանը շեշտել է, որ եկեղեցին ավերվել է ոչ թե պատերազմի, ոչ թե զինված հարձակումների ժամանակ, այլ դրանց ավարտից հետո։ Այս փաստերը, ըստ նրա, 2021թ. մարտի 18-ի հաստատել է նաև ՀՀ արտաքին գործերի նախարարությունը:
ՀՀ մարդու իրավունքների պաշտպանն այս փաստերի մասին արձանագրումները ևս կուղարկի միջազգային համապատասխան մարմիններին:

Թաթոյանն արձանագրում է, որ տարիներ ի վեր Ադրբեջանում հայաատյացությունն ու թշնամանքը պետական բարձրագույն մակարդակով սերմանվել է հենց այս կերպ, ու դա ոչ միայն էթնիկ, այլ նաև կրոնական հիմքերով է:

«Այս ամենն ակնհայտ վկայում են, որ Արցախում 2020թ. սեպտեմբեր-նոյեմբեր ամիսների պատերազմի ընթացքում ադրբեջանական իշխանություններն իրականացրել են էթնիկ զտումներ ու ցեղասպանության քաղաքականություն. այս ամենը շարունակվում է նաև ներկայում»,–ասում է նա։

Մեկնաբանություններ


Համընկնող լուրեր