Սրանք էս ինչ զուլում են մեր գլխին բերում․․․Այսօր՝ հայ-թուրքական սիրախաղի դարաշրջանում, իրավիճակ է փոխվել          Մենք որոշակի քայլեր արել ենք, բայց ՀՀ-ն իր վրա եղած ճնշումների պատճառով դեռ չի կարողանում մեր ուզած համարձակ քայլերն անել       Քաղաքացիությունից կզրկվեն այն մոլդովացիները, ովքեր կկռվեն ՌԴ-ի կողմից    

10 սեպ 2021 11:18

Թեև Կիևը զոհեր չի ցանկանում, սակայն հրամանի դեպքում բանակը կարող է վերցնել Դոնեցկը և Լուգանսկը

Ուկրաինական բանակը կարող է վերցնել Դոնեցկը և Լուգանսկը, սակայն Կիևը զոհեր չի ցանկանում։ Այս մասին նախօրեին հայտարարել է Ուկրաինայի ազգային անվտանգության և պաշտպանության խորհրդի քարտուղար Ալեքսեյ Դանիլովը: Այս մասին գրում է Tass-ը։


«Մեր բանակը կարող է կատարել ցանկացած խնդիր: Այսօր, եթե գերագույն հրամանատարը հրաման տա վերցնել Դոնեցկը և Լուգանսկը, նրանք [ուկրաինական բանակը] կարող են դա անել: Բայց ինչ անել այդ տասնյակ, հարյուր հազարավոր մարդկանց հետ, որոնք կարող են մահանալ։ Ո՞վ պատասխանատվություն կրի դրա համար», - ասել է նա 1 + 1 հեռուստաալիքի եթերում:


Նրա խոսքով՝ ուկրաինական բանակի ծառայողները «կռվելու բոլոր հնարավորություններն ունեն»:


Դանիլովը հիշեցրել է, որ Ուկրաինայի ազգային անվտանգության և պաշտպանության խորհուրդը մշակել է Դոնբասում հակամարտության կարգավորման հինգ սցենար:


«Այժմ մենք շարժվում ենք առաջինով՝ քաղաքական և դիվանագիտական: Մենք բանակցում ենք մեր գործընկերների հետ՝ Գերմանիայի և Ֆրանսիայի հետ համապատասխան ձևաչափով», - ասել է նա:


Միաժամանակ, Անվտանգության խորհրդի քարտուղարը բացառել է Դոնբասի ինքնահռչակ հանրապետությունների ներկայացուցիչների հետ կարգավորման շուրջ բանակցությունների հնարավորությունը: Դանիլովը, միևնույն ժամանակ, ճիշտ է համարում, եթե բանակցությունները վարեն Ուկրաինայի նախագահներ Վլադիմիր Զելենսկին և Ռուսաստանի Դաշնության նախագահ Վլադիմիր Պուտինը:


Մեկնաբանություններ


Համընկնող լուրեր