Տեսանյութ.«Խոյ» համայնքի ղեկավարի թեկնածու Գուրգեն Գրիգորյանը մրցակիցներին հրավիրում է բանավեճի          Տեսանյութ.Կտրուկ գործողություններ եք ուզում, եկե՛ք իրագործենք. Ժիրայր Սեֆիլյան       Տեսանյութ.Սյունիքը զավթելու սպառնալիք կա, եռյակ թշնամին չի նահանջում    

27 հոկ 2021 19:35

Հայաստանի և Թուրքիայի միջև լիարժեք հաշտեցումը մնում է անտեսանելի հեռանկարում. The Financial Times

Էրդողանը Երևանի հետ հարաբերություններում դժվարություններ ունի Արցախյան երկրորդ պատերազմից մեկ տարի անց. գրում է The Financial Times թերթը։


Հոդվածում նշվում է, որ նոր մայրուղին, որը հատում է այն հողերը, որոնք Ադրբեջանը օկուպացրել է մեկ տարի առաջ (Վարանդա-Շուշի ճանապարհը), ցույց է տալիս Թուրքիայի աճող տնտեսական ներկայությունը տարածաշրջանում, որը երկար ժամանակ համարվում էր Ռուսաստանի ազդեցության գոտի։


Էրդողանը դիմում է Հայաստանին` իր երդվյալ թշնամուն՝ փորձելով ամրապնդել Թուրքիայի ազդեցությունը Հարավային Կովկասում, որտեղ նա մրցակցում է Ռուսաստանի և Իրանի հետ: Նա առաջարկել է, որ դիվանագիտական հարաբերությունները վերականգնվեն գրեթե 30 տարվա ընդմիջումից հետո։ Հարաբերությունների ջերմացումը թույլ կտա առևտրին և դիվանագիտությանը՝ արմատավորվել, բայց լիարժեք հաշտեցումը դեռևս մնում է անտեսանելի հեռանկարում:


«Անցյալ տարվանից Մոսկվան հետկոնֆլիկտային դիվանագիտության մեջ Անկարային հետին պլան է մղել, իսկ Թուրքիայի համար Հայաստանի հետ հարաբերությունների կարգավորումն իր տեղը վերականգնելու միջոց է»,- պարբերականը մեջբերում է Տարածաշրջանային հետազոտությունների կենտրոնի տնօրեն Ռիչարդ Կիրակոսյանին։


Թուրքիայի ընդգրկումը տարածաշրջանային խաղաղության նախաձեռնության մեջ կարող է օգնել Բաքվին՝ հավասարակշռել Ռուսաստանին, որը ռազմաբազա է պահում Հայաստանում: «Հայ-թուրքական հարաբերությունների կարգավորումը և Թուրքիայի վերադարձը տարածաշրջան անհրաժեշտ են Ալիևին՝ ռուսներից իր խոցելիությանը դիմակայելու համար»,- ասել է Կիրակոսյանը։


Տարածաշրջանում Թուրքիայի դերի ուժեղացումը կարող է ծառայել նաև Ռուսաստանին։ Էրդողանն ու Պուտինը աջակցում են պատերազմող կողմերին մի շարք զինված հակամարտությունների ժամանակ, սակայն նրանք ստեղծել են անվտանգության բարդ գործընկերություն՝ վրդովեցնելով Թուրքիայի ավանդական արևմտյան դաշնակիցներին:

Մեկնաբանություններ

Համընկնող լուրեր