Թուրք փորձառու դիվանագետը նշանակվել է հայ-թուրքական հարաբերությունների կարգավորման գործընթացում հատուկ ներկայացուցիչ
ԱՄՆ-ում Թուրքիայի նախկին դեսպան Սերդար Քըլըչը կդառնա հանրապետության հատուկ ներկայացուցիչը Հայաստանի հետ հարաբերությունների կարգավորման բանակցություններում։ Թուրքական ԶԼՄ-ների հաղորդմամբ` չորեքշաբթի ԱՄԷ կատարած այցի ժամանակ Թուրքիայի արտգործնախարար Մևլութ Չավուշօղլուն ասել է, որ «Սերդար Քըլըչը կդառնա Հայաստանի հետ հարաբերությունների կարգավորման մեր հատուկ ներկայացուցիչը»:
Քըլըչը բավական հեղինակավոր գործիչ է Թուրքիայում. զբաղեցրել է Թուրքիայի Ազգային անվատնգության խորհրդի գլխավոր քարտուղարի պաշտոնը, եղել է Թուրքիայի դեսպանը Բեյրութում, Տոկիոյում և Վաշինգտոնում (որտեղ դեսպան է եղել մինչև վերջերս` 2021 թ. սկիզբը):