Մենք շուտով կիմանանք, թե ովքեր են եղել Crocus City Hall-ի ահաբեկչության պատվիրատուները. փորձագետ          Տեսանյութ.Արա, դուք վախեցած եք,Ճիշտ եք անում, որ վախենում եք.պահը մոտենում է.ինչ պլանավորել ենք, անելու ենք       Պուտինը հաջորդ հանդիպման ժամանակ Փաշինյանին ասել է. «Մենք զարմացած էինք, որ դուք այդպես որոշեցիք՝ ԼՂ-ն ճանաչել է Ադրբեջանի մաս    

29 հուլ 2022 14:05

Տեսանյութ.Այստեղ այլ բան է կատարվում ու ի վնաս ՀՀ-ի. Եթե խոսքը ուղիների ապաշրջափակման մասին է, ինչո՞ւ են Լաչինով անցնող գործող ճանապարհը դուրս դնում գործընթացից

ՀՀ իշխանությունները խոսում են ապաշրջափակման կարեւորության, հաղորդակցության ուղիների ազատականացման մասին, հետեւաբար, եթե խոսվում է անգամ տասնամյակներ փակ ճանապարհները բացելու մասին, ո՞րն է տրամաբանությունը նոր ճանապարհներ կառուցելու: Այս մասին NEWS.am-ի հետ զրույցում նշեց ԱԻՄ նախագահ Պարույր Հայրիկյանը՝ անդրադառնալով Լաչինը շրջանցող նոր ճանապարհի կառուցմանը:


Նշենք, որ նոր ճանապարհի կառուցման աշխատանքներն արդեն սկսվել են նաեւ ՀՀ տարածքում, որն սկսվում է Սյունիքի Տեղ եւ Կոռնիձոր գյուղերից եւ հասնում մինչեւ Արցախի Հին շեն, Նոր Շեն գյուղեր:


«1992-ին հին ճանապարհը, ըստ էության չկար, կային փոսեր, որոնց պետք էր շրջանցել: Այդ ճանապարհը վերականգնվել է աշխարհասփյուռ հայերի ջանքերով: Հիմա երբ ասում ես, որ պետք է խաղաղության դարաշրջան սկսվի, եթե նույնիսկ նախնական փուլում ինչ-որ խոսակցություններ ես ունեցել նոր ճանապարհներ կառուցելու մասին, ինչո՞ւ ես գործող ճանապարհը դուրս դնում այդ գործընթացից: Սա տրամաբանության իսպառ բացակայություն է:


Հենց սկզբից պետք էր ասել՝ ձեր տարածքներում ինչ ուզում եք, արեք, մենք էլ մեր տարածքներում ինչ ուզում ենք՝ կանենք: Երեւի մերոնք դեռ ինչ-որ տրամաբանություն ունեն, որ ասում են՝ մենք խոսում էինք ճանապարհները բոլորի համար մատչելի դարձնելու մասին, ի՞նչ կարիք կա նոր ճանապարհ կառուցելու: Ալիեւը քնից զարթնեց, ասաց՝ նոր ճանապարհ ենք կառուցում, եթե մենք էլ ենք նոր ճանապարհ կառուցում, այսինքն՝ մենք մնում ենք թշնամի՞: Եթե մնում ենք թշնամի, ինչո՞ւ ես կեղծ խաղաղասիրական կոչերով հանդես գալիս, ում ես ուզում խաբել: Ինձ համար ակնհայտ է, որ անմաքուր, անառողջ դրսեւորումներ կան այս ամենի հետեւում»,-ասաց Հայրիկյանը:


Ինչ վերաբերում է նրան, թե դա ինչ կարող է փոխել ռազմավարական առումով, ԱԻՄ նախագահն ասաց. «Ռազմավարական առումով ինչ կորցնելու էինք, արդեն կորցրել ենք: Կորցրել ենք ոչ թե պատերազմի, այլ իշխանությունների պարտվողական տրամադրությունների պատճառով: Հայ զինվորը կռվում էր, Հայաստանում կար զգալի ներուժ, ավելի ծանր վիճակում չէինք, քան Սարդարապատից առաջ: Ու հանկարծ մի խրտվիլակ որոշում է հայ ազգի փոխարեն, որ մենք ուզում ենք բարիդրացիական հարաբերություններ հարեւանների հետ: Շատ բարի, բայց դրա համար պետք է ժամ առաջ գերիներին ազատ արձակեն: Դրա համար այն ճանապարհները, որոնցով մենք երթեւեկում ենք, պետք է թույլ տաք ազատ երթեւեկենք: Այն ճանապարհները, որոնցով դուք կցանկանաք երթեւեկել, մենք թույլ կտանք երթեւեկել, բայց այնպես, ինչպես վրացին Հայաստան մուտք գործելիս անցնում է մաքսակետով եւ ենթակա է ՀՀ օրենքներին, նույնկերպ հայը Ադրբեջանում կենթարկվեր Ադրբեջանի օրենքներին, իսկ ադրբեջանցին Հայաստանում կենթարկվեր մեր օրենքներին: Բայց այստեղ այլ բան է կատարվում ու ի վնաս Հայաստանի»,-ասաց Հայրիկյանը:


Նրա խոսքով, մեր հակառակորդներին հաջողվեց շատ բաներ իրականություն դարձնել մեր իշխանությունների ապաշնորհության պատճառով. «Արդեն օրինականացավ, որ Նախիջեւանը Ադրբեջան է: Թուրքիան էլ մեծ հաջողության հասավ, արդեն հայ-թուրքական հակամարտություն չկա, իսկ առաջ ընդամենը ասում էր՝ ադրբեջանցիներին մի նեղացրեք: Մեզ բարոյահոգեբանորեն կոտրեցին, ոչնչացրին որպես քաղաքական միավոր միջազգային հանրության աչքի առաջ, ու այդ պայմաններում նոր ճանապարհ կառուցելը ընդհանուր երեւույթների մեջ 10-րդական հարց է:


Երբ մեկը խրոխտաբար ասում է՝ մենք չենք հանձնի Աղավնոն: Մտածում ես՝ դո՞ւ ես հանձնող-չհանձնողը: Հանձնողները վաղուց Հայաստանի գլխավոր արժանիքն են հանձնել՝ արժանապատվությունը, միջազգային հանրության կողմից հարգանքի արժանանալու հնարավորությունը: Աղավնոն մինչեւ 1992-ը եղել է Ադրբեջանի կազմում: Երբ սրանք խոսում են այն ժամանակվա Ադրբեջանը որպես սրբություն ներկայացնելու դիրքերից եւ չեն ասում, որ այն ժամանակվա Ադրբեջանի սահմանները գծվել են ցեղասպանությունը ավարտին հասցնելու մտադրությամբ եւ Հայաստանի ներուժը ոչնչացնելու նկատառումով: Այդ սահմանները միջազգային իրավունքին համապատասխան չեն»,-ընդգծեց ԱԻՄ նախագահը:


Նա անդրադարձավ Ալիեւի հայտարարությանը, թե Զանգեզուրը 1920-ին է տրվել Հայաստանին. «Երբ Սովետական Ադրբեջանը ստեղծված էր, Ռուսաստանը Հայաստանից խնդրեց, որ 11-րդ բանակի զորքերը մտնեն Արցախ, Զանգեզուր եւ Նախիջեւան: Ինչո՞ւ էր Հայաստանից խնդրում, որովհետեւ դրանք Հայաստանի տիրապետության տակ էին: Հիմա Ալիեւն ասում է՝ 20 թվականին տրվեց հայերին: Այսինքն Ադրբեջանի՞նն է, եւ պատասխան տվող չկա: Սա եւ անիրազեկություն է, եւ վախերով ապրող մարդու մոտեցում»:


Մեկնաբանություններ


Համընկնող լուրեր